دَرگوَز 10:2 - هُدائے پاکێن کتاب، بلۆچی زبانا

² شما گۆن وتی چُکّ و نُماسگان کِسّه بکنێت که من چۆن مِسری لئیب داشتنت و آیانی نیاما وتی نشانی زاهر کرتنت، تانکه شما بزانێت که من هُداوند آن.“

دَرگوَز 10:2 Referans Kwoze

دَرگوَز 13:14

اگن باندا تئیی چُکّا چه تئو جُست کرت: ’اے کارا چێا کنگا ائے؟‘ تئو بگوَش: ’هُداوندا گۆن وتی دستئے زۆرا مارا چه مِسرا در کرت و آورت، چه هما مُلکا که اۆدا ما گُلام اَتێن.

زَبور 44:1

او هُدا! ما وتی گۆشان اِشکتگ، مئے پت و پیرێنان گوَشتگ که آیانی زمانگا چۆنێن کارِت کرتگ، گوَستگێن دئور و باریگان.

دَرگوَز 7:17

هُداوند چُشَ گوَشیت که تئوِ پِرئون چه اے نِشانیا زانئے که من هُداوند آن: بِچار، اے اَسا که منِ موسّائے دستا اِنت، من اِشیا کئورئے آپا جنان و آپ هۆن جۆڑَ بنت.

زَبور 71:18

او هُدا! نون که پیر آن و مود اسپێت اَنت، منا یله مکن، تان نۆکێن پدرێچئے نیاما تئیی زۆرئے جارا بجنان و سجّهێن آیۆکێن نسلان چه تئیی واک و توانا سهیگ بکنان.

زَبور 58:11

مردمَ گوَشنت: ”البت که په پهرێزکارا مُزّے هست، هُداے هست که زمینئے سرا دادرسیَ کنت.“

دَرگوَز 7:5

وهدے وتی دستا مِسرئے هِلاپا چِستَ کنان و بنی اِسراییلا چه مِسریانی نیاما کشّان، نون مِسریَ زاننت که من هُداوند آن.“

دَرگوَز 8:6

هارونا وتی دست مِسرئے آپانی سرا شهار دات، پُگُل در آتک و مِسرئے مُلکا مان رِتکنت.

دَرگوَز 14:4

من، پِرئونئے دلا سِنگَ کنان و آ اِسراییلیانی رَندا کپیت. پِرئون و آییئے سجّهێن پئوج منی شان و شئوکتئے سئوَب‌سازَ بنت. گڑا مِسریَ زاننت که من هُداوند آن.“ اِسراییلیان همۆدا اُرد کرت که هُداوندا گوَشتگ‌اَت.

دَرگوَز 14:18

وهدے پِرئون و آییئے اَرّابه و اَرّابه‌سوارانی سئوَبا منا شان و شئوکتَ رسیت، گڑا مِسریَ زاننت که من هُداوند آن.“

زَبور 44:2

تئو گۆن وتی دستا کئوم در کرتنت، بله مئے پت و پیرێن سبز کرتنت. کئومِت درُشتنت و مئے پت و پیرێن شاهگانی بَکشاتنت.

زَبور 78:3

هما که ما اِشکتگ و زانتگ‌اَنت، هما که مئے پیرێنان مارا گوَشتگ‌اَنت.