5 ما گناه کرتگ، رَدێن کار کرتگ، بدکار و یاگی بوتگێن و چه تئیی پَرمان و کانونان وتی دێم تَرّێنتگ.
سجّهێن اِسراییلا تئیی شَریَتئے ناپرمانی کرتگ، دێمِش تَرّێنتگ و تئیی پرمانبرداریاِش نکرتگ. پمێشکا هما نالَت که هُدایا وتی هِزمتکارێن موسّائے شَریَتئے تها وتی نامئے سئوگند وارتگ و اَهد کرتگ، نون مئے سرا کپتگ چێا که ما هُدائے گُنَهکار بوتگێن.
او مئے هُداوندێن هُدا! اے تئو ائے که گۆن وتی پُرزۆرێن دَستا وتی کئوم چه مِسرا ڈنّا آورت و په وت اَنچێن نامے در آورت که تان مرۆچی هستاِنت. نون ما گناه کرتگ و رَدکار بوتگێن.
ما گناه کرتگ، مئے پتان هم، ما رَدێن راهے زرتگ و بدکاری کرتگ.
چیا که من هُداوندئے راه یله نداتگ و چه هُدایا دێم په بدیا نشُتگان.
چه تئیی هُکمان وتی دێمُن نترّێنتگ که تئو وت منا تالیم داتگ.
چۆ گارێن پسێا دَرپَدَر بوتگان. وتی هزمتکارا شۆهاز کن که من تئیی هُکم نشَمُشتگاَنت.
رهمت و پهِلّی گۆن مئے هُداوندێن هُدایا اِنت بِلّ تُرے ما چه آییا یاگی بوتگێن.