دانیال 8:5 - هُدائے پاکێن کتاب، بلۆچی زبانا

⁵ من که شَرّیا پِگر کرت گڑا دیستُن تَه یکّ پاچنے چه رۆنندی نێمگا پێداک اِنت که پوره سجّهێن زمینی گپتگ بله پادی زمینا نلگّگا اَنت و چمّانی نیاما اجبێن کانٹے پِر اِنتی.

دانیال 8:5 Referans Kwoze

دانیال 8:21

پاچن، یونانئے بادشاهئے نشانی اِنت و هما بلاهێن کانٹ که آییئے چمّانی نیاما اَت، ائولی بادشاه اِنت.

دانیال 11:3

رندا زۆرمندێن بادشاهے چستَ بیت. آ، گۆن مزنێن زۆر و واکے هُکمرانیَ کنت و هرچے که دلیَ لۆٹیت، کنت.

دانیال 8:8

پدا پاچن سکّ زۆراوَر بوت بله اَنچۆ که وتی زۆراوریئے بُرزادیان سر بوت، مزنێن کانٹی پرُشت و آییئے جاگها چار دگه اجبێن کانٹ رُست که دێمِش آسمانئے چارێن گواتانی نێمگا اَت.

دانیال 7:6

اِشیا رَند، من اَنگت چارگا اَتان و دیستُن دگه یکّے، پُلنگئے ڈئولێنے اَت و اِشیئے پُشتا چار مُرگی بانزُل پِر اَت. اے جانوَرا چار سرَگ پِر اَت و هاکمی اِهتیارے اِشیا دئیگ بوت.

دانیال 2:39

چه ترا پد، دگه بادشاهیے کئیت که چه تئییگا کمزۆرتِرَ بیت. پدا سئیمی، بْرنجێن بادشاهیے کئیت که سجّهێن زمینئے سرا هُکمرانیَ کنت.

دانیال 2:32

اے بُتئے سر، چه پَهکێن تلاها اَڈّ بوتگ‌اَت. دلبند و باسْکی چه نُگرها، لاپ و رانی بْرِنجئیگ اَتنت،

دانیال 8:6

آ هما گوَرانڈئے کِرّا آتک که دو کانٹی پِر اَت، هما که من کئورئے دێما اۆشتگا دیستگ‌اَت. پاچن آییئے سرا هِژم گپتگ‌اَت و گۆن سَرجمێن زۆرا آییئے سرا کپت.