دانیال 7:24 - هُدائے پاکێن کتاب، بلۆچی زبانا

²⁴ دهێن کانٹانی مانا اِش اِنت که چه اے بادشاهیا ده بادشاه چستَ بیت و دگه یکّے چه اِشان و رَند چستَ بیت و اے، پێسریگێنانی ڈئولێنے نبیت و سئے بادشاه پرۆشَ دنت.

دانیال 7:24 Referans Kwoze

دانیال 7:20

من آییئے سرئے دهێن کانٹانی مانا هم زانگ لۆٹت و اے دگه کانٹئے مانا هم که رندا رُست و آییئے دێما چه آیان سئے کانٹ کپت، بزان هما که چمّ و دپی پِر اَت و بَٹاک جنَگا اَت و گِندگا چه اے دگران مَستر اَت.

اِلهام 13:1

گڑا من دیست که چه دریایا رسترے چست بئیگا اَت. ده کانٹ و هپت سَرَگی پِر اَت. کانٹانی سرا ده تاج اَتنت و آییئے هر سرگئے سرا کُپری نام پِر اَت.

دانیال 11:36

پدا بادشاه وتی دلئے تبا کارَ کنت و وتا چه سجّهێن هُدایان بُرزتر و پُرمڑاهترَ گِندیت و هُدایانی هُدائے هِلاپا اَنچێن هبرَ کنت که مردم هئیرانَ بنت. تان هما وهدا کامیابَ مانیت که گَزبئے وهد سَرجم نبوتگ. هما چیزّ که بئیگی اَنت، اَلّمَ بنت.

اِلهام 17:3

پدا پرێشتگا منا روهئے تها گیابانێا برت و من جنێنے دیست که اَنچێن رُژنا سُهرێن رسترێئے سرا نِشتگ‌اَت که کُپری نامان پۆشتگ‌اَت و هپت سَرَگ و ده کانٹی پِر اَت.

اِلهام 12:3

پدا دگه نشانیے آسمانا زاهر بوت: بلاهێن سُهرێن اژدیاے، هپت سَرَگ و ده کانٹی پِر اَت و هپت تاجی سرا اَت.

دانیال 7:23

گڑا آییا گوَشت: ’چارمی جانوَر، زمینئے سرا چارمی بادشاهیے بیت که چۆ اے دگه سجّهێن بادشاهیانَ نبیت. اے، سجّهێن جهانا لگتمالَ کنت، پرۆشیت و اێریَ بارت.

دانیال 2:41

اے پاد و پادانی لنکک که نێما پتکگێن گِل و نێما آسِنئیگ اَتنت و تئو دیستنت، اے بهر و بانگێن بادشاهیے بیت، بله اِشیئے تها آسِنئے مُهری مانَ بیت چێا که تئو آسِن گۆن پتکگێن گِلا هئوار دیست.