دانیال 7:17 - هُدائے پاکێن کتاب، بلۆچی زبانا

¹⁷ ’اے چارێن بلاهێن جانوَر، دنیائے چار بادشاه اَنت که چستَ بنت.

دانیال 7:17 Referans Kwoze

اِلهام 13:11

گڑا من دگه رسترے دیست که چه زمینا چست بئیگا اَت. اِشیا گوَرانڈێئے ڈئولا دو کانٹ پِر اَت بله اژدیائے ڈئولا هبرا اَت.

اِلهام 13:1

گڑا من دیست که چه دریایا رسترے چست بئیگا اَت. ده کانٹ و هپت سَرَگی پِر اَت. کانٹانی سرا ده تاج اَتنت و آییئے هر سرگئے سرا کُپری نام پِر اَت.

یوهَنّا 18:36

ایسّایا گوَشت: ”منی بادشاهی دنیایی بادشاهیے نه‌اِنت. اگن منی بادشاهی دنیایی بادشاهیے بوتێن، منی هِزمتکاران جنْگ کرتگ‌اَت که من یَهودیانی دستا مکپان. بله منی بادشاهی دنیایی بادشاهیے نه‌اِنت.“

زَبور 17:14

هُداوندا! منا چه اے پئیمێن مردمانی دستا آزات کن، چه اے دنیائے مردمان که نسیبِش تهنا همے دنیا اِنت و بسّ، که لاپانِش چه وتی هزانگا سێرَ کنئے، چُکِّش بازَ بنت و آیانی پَشت کپتگێن چیزّ په چُکّانِشَ رسیت.

دانیال 7:16

من چه همایان یکّێئے کِرّا شُتان که اۆدا اۆشتاتگ‌اَتنت و جُستُن کرت که اے سجّهێن چیزّانی اَسلی مانا چے اِنت؟ گڑا آییا گۆن من هبر کرت و منا اِشانی مانایی سرپد کرت.

دانیال 7:18

بله بادشاهی، بُرزێن اَرشئے هُدائے پاکێن مردمان دئیگَ بیت و اَبد تان اَبد همایانی مِلکتَ بیت.