دانیال 4:19 - هُدائے پاکێن کتاب، بلۆچی زبانا

¹⁹ گڑا دانیال، که دومی نامی بِلْتِشازَر اَت، په دمانێا هئیران بوت، هئیالان پرێشان کرت. بادشاها گوَشت: ”بِلْتِشازَر! واب و وابئے مانایا مئیل که ترا پرێشان بکنت.“ بِلتِشازَرا گوَشت: ”منی واجه! دْرێگتا اے واب تئیی دژمنانی بارئوا بوتێن و اِشیئے مانا هم په تئیی بَدواهان.

دانیال 4:19 Referans Kwoze

دانیال 8:27

گڑا منِ دانیالا، سکّ دَم بُرتگ‌اَت و تان چیزّے رۆچا نادراه بوتان. رندا پدا پاد آتکان و بادشاهئے کاران دَزگٹّ بوتان بله منا شُبێنا هئیران کرتگ‌اَت و چه سرپدیئے هَدّا در اَت.

دانیال 7:28

هبر همِدا هلاس بوت. منِ دانیال چه وتی هئیالان سکّ پرێشان بوتان و منی دێم زرد ترِّت. بله من اے گپّ گۆن وت داشت.“

دانیال 4:24

او بادشاه! اے تئیی وابئے مانا اِنت و اے بُرزێن اَرشئے هُدائے هُکم اِنت که په منی واجهێن بادشاها آتکگ.

دانیال 7:15

منِ دانیالئے اَرواه پرێشان اَت. منی دل و دَماگئے شُبێن و اِلهامان منا تُرسێنت.

دانیال 5:12

چێا که اے دانیال، که بادشاها آییئے نام بِلْتِشازَر کرتگ، اِشیا اَجبێن روهے، زانت و سرپدیے هست‌اَت. آ واب و چاچانی مانا کنگ و گرانێن جێڑهانی گیشّێنگا سکّ بلد اَت. دانیالا لۆٹاێن، هما ترا اِشیئے مانایا گوَشتَ کنت.“

دانیال 2:26

بادشاها گۆن دانیالا که دومی نامی بِلْتِشازَر اَت، گوَشت: ”تئو منی دیستگێن وابا و آییئے مانایا منا گوَشتَ کنئے؟“

دانیال 1:7

دربارئے کارمَستِرا آیانا نۆکێن نام پِر کرت. دانیالئے نامی بِلتِشازَر، هَنانیائے شَدرَک، میشاێلئے میشَک و اَزَریائے اَبِدنِگۆ کرت.

دَرگوَز 32:32

نون اگن بوتَ کنت اِشانی گُناها ببَکش، بله اگن نبَکشئے، گڑا منی ناما چه هما کتابا در کن که تئو نبشته کرتگ.“

پێدایش 32:18

بگوَشی: ’اے تئیی کَستر آکوبئیگ اَنت. اے سئوگات اَنت که په منی واجه ایسّوا راهی داتگ‌اَنت و آکوبئے جند پُشتا پێداک اِنت.‘“

پێدایش 31:35

راهیلا گۆن وتی پتا گوَشت: ”واجه! زهر مگر، من تئیی دێما پاد آتکَ نکنان که منی جنێنی ماهانَگانی وهد اِنت.“ لابانا پَٹِّت، بله بُتێن هُدایی دَست نکپتنت.

پێدایش 40:12

ایسُّپا گوَشت: ”تئیی وابئے مانا اِش اِنت: سئے ٹالئے مانا سئے رۆچ اِنت.

دانیال 2:37

او بادشاه! تئو بادشاهانی بادشاه ائے. هما ائے که آسمانی هُدایا ترا بادشاهی، کُدرت، زۆر و واک و شان و شئوکت داتگ و

دانیال 5:18

او بادشاه! بُرزێن ارشئے هُدایا، نِبوکَدنِزَر بزان تئیی پیرُک، بادشاهی، مزنی، شان و شرَپ داتگ‌اَت.

دانیال 5:19

هما مزنیئے سئوَبا که هُدایا داتگ‌اَت، سجّهێن کئوم و راج و هر زبانئے مردم چه تُرسا تئیی پیرکئے دێما لَرزِتنت. کَسے که آییا کُشَگَ لۆٹت، کُشتی و کَسے که آییا کُشگَ نلۆٹت، نَکُشتی. کَسے که آییا مزنی دئیگَ لۆٹت، مزنی‌ایَ دات و کَسے که آییا کمشَرَپ کنگَ لۆٹت، کمشَرَپیَ کرت.