19 گڑا هما شپا اے راز په دانیالا، شُبێنێا پدّر کنگ بوت. نون دانیالا آسمانی هُدائے ستا کرت.
اِشیا پد، من اَنگت شپئے اِلهام و شُبێنان گِندَگا اَتان و چارمی جانوَرُن دیست. اے تُرسناک، هئیبتناک و سکّ زۆرمند اَت. اِشیا دراجێن آسنێن دنتان پِر اَت. وتی شکاری پرۆشت و اێر بُرت و سَرارۆکی پادانی چێرا لپاشتنت. چه آ پێسریگێن سجّهێن جانوَران جتا اَت و دَه کانٹی پِر اَت.
هُداوند وتی دلئے راز و رمزان گۆن هداتُرسان درشانَ کنت، وتی اَهد و پئیمانا په آیان پَجّارێنیت.
اے چارێن وَرنا، هُدایا لبزانک و هکمتئے هر پئیمێن زانت و هُنر دئیان کرتنت. دانیال هر وڑێن الهام و شُبێن و وابانی مانایا هم بلَد اَت.
”او بِلْتِشازَر، نجومیانی مستر! منَ زانان که ترا پاکێن هُدایانی روه مان اِنت و هچّ رازئے زانگ په تئو گران نهاِنت. اے منی واب اِنت که من دیستگ، نون په من مانایی کن.
هما اِنت که چێر و اندێمێن رازان پدّرَ کنت، هما اِنت که زانت تهاریا چے هست و رُژنایی هماییئے همراه اِنت.
همے هُکمئے مانا، که درچکئے بُنڈ گۆن ونڈال و ریشَّگان پَشت گێجگ ببیت، اِش اِنت که وهدے تئو پَجّاهَ کارئے که اَسلی بادشاه اَرشا نِشتگ، تئیی بادشاهی پدا ترا دئیگَ بیت.
دانیالا گوَشت: ”من شپا اِلهام و شُبێن گندگا اَتان و من دیست که آسمانئے چارێن گواتان مزنێن دریا مَست کرت.