دانیال 11:36 - هُدائے پاکێن کتاب، بلۆچی زبانا

³⁶ پدا بادشاه وتی دلئے تبا کارَ کنت و وتا چه سجّهێن هُدایان بُرزتر و پُرمڑاهترَ گِندیت و هُدایانی هُدائے هِلاپا اَنچێن هبرَ کنت که مردم هئیرانَ بنت. تان هما وهدا کامیابَ مانیت که گَزبئے وهد سَرجم نبوتگ. هما چیزّ که بئیگی اَنت، اَلّمَ بنت.

دانیال 11:36 Referans Kwoze

په تِسالونیکیان پولُسئے دومی کاگد 2:4

آ هُدائے هلاپا اۆشتیت و وتا چه هما سجّهێن چیزّان بالاتِرَ کنت که هُدائے نامِش پِر اِنت یا پَرستش کنگَ بنت. گُڈسرا وت هُدائے پرستشگاها نندیت و جارَ جنت که هُدا من آن.

دانیال 8:19

گوَشتی: ”بچار، من ترا سرپدَ کنان که گَزبئے گُڈّی وهدا چے بیت. هرچے که تئو دیستگ هلاسیئے گیشّێنتگێن وهدئے بارئوا اِنت.

دانیال 11:16

شمالئے بادشاه اُرُشَ کنت و هما پئیما کنت که وتی دلیَ لۆٹیت. کسّ آییئے دێما اۆشتاتَ نکنت. آ زێباێن مُلکا اۆشتیت و چه آییئے دستا تباهیَ بیت.

دانیال 2:47

بادشاها گۆن دانیالا گوَشت: ”بێشک تئیی هُدا، هُدایانی هُدا اِنت و بادشاهانی هُداوند اِنت و رازانی پدّر کنۆک، چێا که تئو اے راز پدّر کرت کرتگ.“

اِلهام 10:7

هُدائے راز هما رۆچان سَرجمَ بیت که هپتمی پرێشتگ وتی کَرنایا جنَگیَ بیت، هما پئیما که هُدایا گۆن وتی هِزمتکارێن پئیگمبران جار جتگ.“

زَبور 136:2

هُدایانی هُدائے شُگرا بگرێت که مِهری اَبدمان اِنت.

اِلهام 17:17

چێا که هُدایا آیانی دلا داتگ که هُدائے مکسدئے سرا کار بکننت، همشئور ببنت و وتی بادشاهیا رسترا بدئینت تان هما وهدا که هُدائے هبر سَرجم و پوره ببنت.

اِلهام 17:3

پدا پرێشتگا منا روهئے تها گیابانێا برت و من جنێنے دیست که اَنچێن رُژنا سُهرێن رسترێئے سرا نِشتگ‌اَت که کُپری نامان پۆشتگ‌اَت و هپت سَرَگ و ده کانٹی پِر اَت.

اِلهام 12:14

جنێنا مزنێن وَکابئے دو بانزُل دئیگ بوت تانکه بال بکنت و گیابانا وتی جاگها شت بکنت. آ، اۆدا تان وهدێا، وهدان و نێم وهدا چه مارئے دَزرسا دور دارگ و هئیالداری کنگَ بیت.

کاسِدانی کار 4:28

آیان گۆن وتی اے کارا، تئیی واک و واهگ که تئو چه پێشا گیشّێنتگ‌اَت، پوره و سَرجم کرت.

یوهَنّا 6:38

من په وتی جندئے واهگانی سَرجم کنگا چه آسمانا اێر نئیاتکگان، آتکگان که وتی دێم دئیۆکئے واهگان سَرجم بکنان.

یوهَنّا 5:30

من وتسرا کارے کرتَ نکنان، هر چیزّے که من اِشکتگ، هماییئے بُنیادا دادرسیَ کنان و منی دادرسی بَرهَکّ اِنت، پرچا که من وتی دلئے واهگانی سَرجم کنگئے پد و رندا نه‌آن، وتی دێم دئیۆکئے واهگانی سَرجم کنگئے پد و رَندا آن.

دانیال 12:7

گڑا من هما لیلُم‌پۆشێن مردئے تئوار اِشکت که کئورئے آپئے سربرا اَت. آییا وتی راستێن و چپّێن دست آسمانئے نێمگا چِست کرتنت و هماییئے سئوگندی وارت که تان اَبد زندگ اِنت. گوَشتی: ”وهدێا، وهدان و نێم وهدا و رَند سَرجمَ بیت، هما وهدا که هُدائے پاکێن مردمانی زۆر و واکَ پرُشیت. نون اے سجّهێن چیزّ پوره و سَرجمَ بنت.“

دانیال 11:3

رندا زۆرمندێن بادشاهے چستَ بیت. آ، گۆن مزنێن زۆر و واکے هُکمرانیَ کنت و هرچے که دلیَ لۆٹیت، کنت.

دانیال 8:4

من دیست که اے گوَرانڈ رۆنندی، گۆریچانی و زِرباری نێمگا کانٹ جنان اِنت و هچّ جانوَر آییئے دێما اۆشتاتَ نکنت و کسّا اے توان نێست که چه آییئے زۆرا یکّێا رَکّێنت بکنت. آییا هر چیزّ وتی دلئے تبا کرت و مَزَن‌شان بوت.

دانیال 7:8

من اِشیئے کانٹانی بارئوا جێڑگا اَتان، دیستُن اِشانی نیاما دگه کَسانێن کانٹے در آتک و چه جانوَرئے ائولی کانٹان سئے کانٹ اِشیئے دێما چه بُنا گْوجگ بوت. من دیست که اے کانٹا مردمی چمّئے پئیمێن چمّ پِر اَت و دپے پِر اَتی که بٹاک جنَگا اَت.

دانیال 4:35

جهانئے سجّهێن مهلوک آییئے دێما هچّ نه‌اَنت. آ، گۆن آسمانی لشکرا وتی دلئے تبا کارَ کنت و گۆن زمینئے سرئے نندۆکان هم. چُشێن کَسے نێست که آییئے دستا بداریت و بگوَشیت که ’تئو چے کنگا ائے؟‘

زَبور 33:10

هُداوند، کئومانی شئوربندیان پَچَ رێچیت و راجانی کارسازیانَ کرۆجیت.

په تِسالونیکیان پولُسئے دومی کاگد 2:3

چۆ مبیت کَسے وڑے نه وڑے شمارا رَد بدنت، هُداوندئے رۆچ تان هما وهدا نئیئیت که مردم چه هُداوندا سَرکَشّ مبنت و بێرَهبَندێن مرد، بزان ”تباهیئے چُکّ“ پاشْک مبیت.

په تِسالونیکیان پولُسئے دومی کاگد 2:8

وهدے آ دور کنگ بوت، نون بێرَهبَندێن مرد زاهرَ بیت، بله هُداوندێن ایسّا په شان و شئوکتے کئیت و آییا تباهَ کنت، گۆن وتی دپئے هُپّێا آییا نێست و نابودَ کنت.

اِلهام 13:1

گڑا من دیست که چه دریایا رسترے چست بئیگا اَت. ده کانٹ و هپت سَرَگی پِر اَت. کانٹانی سرا ده تاج اَتنت و آییئے هر سرگئے سرا کُپری نام پِر اَت.

دانیال 5:19

هما مزنیئے سئوَبا که هُدایا داتگ‌اَت، سجّهێن کئوم و راج و هر زبانئے مردم چه تُرسا تئیی پیرکئے دێما لَرزِتنت. کَسے که آییا کُشَگَ لۆٹت، کُشتی و کَسے که آییا کُشگَ نلۆٹت، نَکُشتی. کَسے که آییا مزنی دئیگَ لۆٹت، مزنی‌ایَ دات و کَسے که آییا کمشَرَپ کنگَ لۆٹت، کمشَرَپیَ کرت.

دانیال 5:20

بله وهدے آییئے دل پُرکِبر و اَرواه چه گُروناکیا پُرّ بوت، چه بادشاهی تَهتا اێر گێجگ و شان و شئوکتی پَچ گرَگ بوت.

دانیال 11:37

آ، په وتی پتانی هُدایان هچّ پرواهَ نداریت و جنێنانی واهگئے پَرواها هم نکنت. په اے دگه هُدایان هم پَرواهَ نداریت، چێا که آ، وتا چه اے سجّهێنان بُرزترَ کنت.