دانیال 11:28 - هُدائے پاکێن کتاب، بلۆچی زبانا

²⁸ شمالئے بادشاه گۆن مزنێن مال و دئولتێا وتی مُلکا پرَ ترّیت بله دلی پاکێن اَهد و کَرارئے هلاپا بیت. اے وتی کارا کنت و مُلکا واترَّ بیت.

دانیال 11:28 Referans Kwoze

کاسِدانی کار 3:25

شما نبیانی پُشپَد و هما اَهد و کئولئے میراس‌دار اێت که هُدایا گۆن شمئے پت و پیرُکان کرتگ‌اَت، وهدے گۆن اِبراهێما گوَشتی: ’زمینئے سجّهێن کئوم و کَبیله چه تئیی نَسل و پُشپَدا برکتَ گرنت.‘

دانیال 11:22

اِشیئے دێما بلاهێن پئوجے رۆپگ و پرۆش دئیگَ بیت و گۆن اے پئوجا یکجاه اَهد و کَرارئے شهزادگے هم تباهَ بیت.

دانیال 8:24

اے، سکّ زۆرمندَ بیت بله چه وتی جندئے واکا نه. سکّێن بلاهێن تباهیَ کاریت و هرچے که کنت، کامیابَ بیت. اے، زۆراوَر و پاکێن مردمان تباهَ کنت.

دانیال 11:27

دوێن بادشاه، په بدنیّتی یکّێن پَرزۆنَگا نندنت و گۆن یکدومیا درۆگَ بندنت بله کامیابَ نبنت چێا که هلاسی، گیشّتگێن وهدا کئیت.

دانیال 11:29

گیشّتگێن وهدا، پدا دێم په جنوبا درَ کپیت، بله اے گُڈّی رندا پێشیگێن وڑا نبیت،

دانیال 8:12

اِشیئے سَرکشّیئے سئوَبا آسمانی لشکر و هر رۆچیگێن کُربانیگ اِشیئے دستا دئیگ بوتنت. راستی‌ای زمینا دئور دات و هر چیزّی که کرت، کامیاب بوت.