دانیال 11:17 - هُدائے پاکێن کتاب، بلۆچی زبانا

¹⁷ نون آ اِرادهَ کنت که گۆن وتی سجّهێن بادشاهیئے زۆرا بیئیت و گۆن جنوبئے بادشاها اَهد و کَرار ببندیت. وتی جنِکے هم گۆن آییا آرۆسَ دنت که جنوبئے بادشاهیا بپرۆشیت بله آییئے اے هئیال سۆبێنَ نبیت و اے کار دێما نرئوت.

دانیال 11:17 Referans Kwoze

پولُسئے کاگد په رومیان 8:31

اے چیزّانی بارئوا چے بگوَشێن؟ اگن هُدا گۆن ما گۆن اِنت، کئے مئے دژمن بوتَ کنت؟

لوکا 11:23

کَسے که منی همراه و دۆزواه نه‌اِنت آ منی بدواه اِنت، کَسے که مُچّ و یکجاه کنگا گۆن من هۆر نه‌اِنت، آ تَک و پَرک و شِنگ و شانگَ کنت.

لوکا 9:51

وهدے ایسّائے چست بئیگ و آسمانا رئوگئے وهد نزّیکّ بوت، گڑا گۆن دلجمێن شئورے دێم په اورشَلیما راه گپت.

مَتّا 12:30

کَسے که منی همراه و دۆزواه نه‌اِنت، آ منی بَدواه اِنت، کَسے که مُچّ و یکجاه کنگا گۆن من هۆر نه‌اِنت، آ، شِنگ و شانگ و تَک و پَرکَ کنت.

دانیال 11:19

گڑا آ، دێما گۆن وتی جندئے مُلکئے کلاتانَ کنت بله لَکُشیت و کپیت و پدا هچّ جاگه گِندگَ نبیت.

دانیال 9:26

رَندا، شست و دو هپتگا پد، هما ’رۆگن پِر مُشتگێن‘ کُشگَ بیت و آییئے کِرّا هچّ پَشتَ نکپیت. آیۆکێن هُکمرانئے مردم شهر و مزنێن پرستشگاها تباهَ کننت، بله آییئے جِندئے تباهی چۆ هارێا کئیت. جنْگ تان گُڈسرا برجاهَ مانیت و تباهیانی شئور بُرّگ بوتگ.

زَبور 56:9

گڑا آ وهدا که ترا گوانکَ جنان دژمن پدَ کِنزنت. اِشیا زانان که هُدا گۆن من اِنت.