کاسِدانی کار 25:25 - هُدائے پاکێن کتاب، بلۆچی زبانا

²⁵ منی زانگا، اِشیا چُشێن مزنێن مئیار و گناهے نکرتگ که کُشگ ببیت، بله وهدے اِشیا لۆٹت که کئیسَرئے هَکدیوانا پێش کنگ ببیت، گڑا من شئور کرت رومئے شهرا راهی بدئیان.

کاسِدانی کار 25:25 Referans Kwoze

کاسِدانی کار 23:29

سهیگ بوتان که آییا وتی شَریَتئے جێڑهانی سرا مئیاریگ کنگا اَنت و آییا هچّ چُشێن کارے نکرتگ که کئید و بند، یا مَرکئے سِزاوار ببیت.

کاسِدانی کار 23:9

باز جاک و جیک بوت و پَریسیانی شَریَتئے لهتێن زانۆگرا په نمَنّگ گوَشت: ”ما په اے مردا هچّ مئیارے نگِندێن، بلکێن یکّ روه یا پرێشتگێا گۆن اِشیا هبر کرتگ.“

لوکا 23:4

پیلاتوسا گۆن مزنێن دینی پێشوا و آ دگه مردمان گوَشت: ”من په اے مردا هچّ مئیارے نگندان.“

کاسِدانی کار 26:31

وهدے در آیگا اَتنت، وت‌مان‌وت گوَشگا اَتنت که ”اے مردا چُشێن مزنێن مئیارے نکرتگ که جێل کنگ یا کُشگ ببیت.“

یوهَنّا 18:38

پیلاتوسا درّاێنت: ”راستی چے اِنت؟“ اے هبرئے کنگا رند پیلاتوس پدا یَهودیانی کِرّا شت و گوَشتی: ”من هچّ چُشێن بُنیادے نگندان که اے مردا مئیاربار بکنان.

لوکا 23:14

گوَشتی: ”شما، اے مرد منی گوَرا آورتگ و تُهمت و بُهتام جتگ که مردمان گُمراه و یاگیَ کنت. بله چه آ جُستان که من شمئے دێما کرتگ‌اَنت، آییئے سرا شمئے جتگێن بُهتامان هچّ راستیے ندیستُن.

کاسِدانی کار 25:26

نون منی دستا اِشیئے بارئوا پکّاێن چیزّے نێست که په کئیسَرا بنبیسان. پمێشکا، من پولُس په شما سجّهێنان و گێشتر په تئو، او بادشاه اَگْریپاس، پێش کرتگ تان جُست و پُرسا رند، چیزّے په نبیسگا در بگێجان.

کاسِدانی کار 27:1

وهدے کرار بوت ما گۆن بۆجیگا ایتالیایا برئوێن، گڑا پولُسِش گۆن دگه لهتێن بندیگا، جولیوس نامێن اَپسرێئے دستا دات، که چه کئیسَرئے لشکرا اَت.

کاسِدانی کار 28:18

رومیان بازێن پَٹّ و پۆلا رَند، په من هچّ چُشێن مئیارے ندیست که کُشگ ببان، پمێشکا لۆٹتِش منا یله بدئینت.