کاسِدانی کار 23:6 - هُدائے پاکێن کتاب، بلۆچی زبانا

⁶ پولُس سهیگ اَت که سرۆکانی دیوانئے لهتێن باسک، سَدوکی و لهتێن پَریسی اَنت، پمێشکا آییا په بُرزتئواری دَرّاێنت: ”او براتان! من پَریسیے آن و منی پت و پیرُک هم پَریسی بوتگ‌اَنت، مرۆچی اے هَکدیوانئے دێما پمێشکا اۆشتارێنگ بوتگان که منی باور و اُمێت اِنت که هُدا مُردگان پدا زندگَ کنت.“

کاسِدانی کار 23:6 Referans Kwoze

کاسِدانی کار 24:21

اَبێد چه اے یکّێن هبرا که من اۆدا جار جت و گوَشت: ’من پمێشکا اے هَکدیوانئے دێما اۆشتارێنگ بوتگان که گوَشتگ‌اَتُن: ”هُدا مُردگان پدا زندگَ کنت.“‘“

کاسِدانی کار 24:15

من هم، همایانی ڈئولا، چه هُدایا اُمێتوار آن و دلجم آن که سجّهێن مُردگ، نێکێن و بدێن، پدا زندگَ بنت.

په پیلیپیان پولُسئے کاگد 3:5

من پێدا بئیگئے هشتمی رۆچا سُنّت کنگ بوتگان. پێدائِشی اِسراییلیے آن. چه بِنیامینئے کَبیلها آن. چه هَپت پُشتا اِبرانیے آن. اگن شَریَتئے گپّ اِنت، پَریسیے آن.

کاسِدانی کار 28:20

پمێشکا شمارا وتی کِرّا لۆٹتگ تان شمارا بگندان و گپّ و تْران بکنێن. من په ’اِسراییلئے اَرمانا‘ گۆن اے زمزیل و سانکلان بندیگ آن.“

مَتّا 22:23

رَندا، لهتێن سَدوکی که آهِرَتئے نمَنّۆک اَنت، ایسّائے کِرّا آتک و جُستِش کرت:

کاسِدانی کار 22:5

مسترێن دینی پێشوا و سجّهێن کماشانی دیوان منی بارئوا گواهی داتَ کنت. آیان په دَمِشْکئے یَهودی براتان منا کاگد داتگ‌اَت تان اۆدا برئوان، اۆدئے باوَرمندان بگران و په سِزا دئیگا اورشَلیما بیاران.

مَتّا 10:16

گۆش دارێت! من شمارا رئوانَ کنان، بله شما اَنچُشَ بێت که گُرکانی نیاما پَس. پمێشکا مارانی ڈئولا هُژّار و کپۆدرانی ڈئولا ساده ببێت.

مَتّا 3:7

وهدے یَهیایا دیست که پَریسی و سَدوکی رُمبئے بازێن مردم پاکشۆدی گِرَگا آییئے کِرّا آیگا اَنت، گۆن آیان گوَشتی: ”او سْیَه‌مارزادگان! کئیا شمارا ڈاه داتگ که چه هُدائے آیۆکێن کَهر و گَزبا رَکّتَ کنێت؟!

کاسِدانی کار 22:3

”من یَهودیے آن و منی پێدائِشئے جاگه، کیلیکیَهئے دَمگا، تَرْسوسئے شهر اِنت، بله منی رُست و رُدۆم همِدا اورشَلیما بوتگ. گامالیَل منی استاد بوتگ و مئے پت و پیرُکانی سَرجمێن شَریَت من چه هماییا در برتگ. په هُدا و آییئے رَزایا باز واهگدار و هُدۆناک بوتگان، اَنچُش که مرۆچی شما هُدۆناک اێت.

کاسِدانی کار 22:30

لۆٹتی شَرّ بزانت یَهودی پولُسئے سرا چۆنێن بُهتامے جننت، پمێشکا دومی رۆچا پولُسی چه بَندیجاها در کرت و پرمانی دات یَهودیانی مزنێن دینی پێشوا و سرۆکانی دیوانئے سجّهێن باسک دیوانا بنندنت. گڑا پولُسی آورت و آیانی دێما پێش کرت.

کاسِدانی کار 23:1

پولُسا سرۆکانی دیوانا نندۆکێن باسکانی نێمگا تچکاتچک چارِت و گوَشت: ”او براتان! من تان مرۆچیگێن رۆچا وتی زِند گۆن پاک و پَلگارێن جَبین و وجدانے په هُدائے رَزایا گوازێنتگ.“

کاسِدانی کار 23:7

اَنچُش که آییا اے هبر کرت، سرۆکانی دیوانئے پَریسی و سَدوکی باسکانی نیاما جێڑهے پاد آتک و دیوان دو بهر بوت.

کاسِدانی کار 23:15

پمێشکا شما گۆن سرۆکانی دیوانا هۆریگا، لشکرئے مسترا بگوَشێت که آ پولُسا شمئے کِرّا بیاریت. گۆن لشکرئے مسترا شمئے نیمّۆن اے ببیت که شما پولُسئے بارئوا گێشتر زانگ و جُست و پُرس کنگَ لۆٹێت. ما تئیار اێن، رَسگا پێسر، راها آییا کُشێن.“

کاسِدانی کار 23:20

آییا گوَشت: ”لهتێن یَهودیا شئور کرتگ که ترا بگوَشنت باندا پولُسا دیوانئے دێما پێش بکنئے، په اے شئورا آیانی نیمّۆن اِش اِنت که آ پولُسئے بارئوا گێشتر جُست و پُرس کنگَ لۆٹنت،