کاسِدانی کار 20:2 - هُدائے پاکێن کتاب، بلۆچی زبانا

² چه آ هَند و دَمگان که گوَست، گۆن وتی هبران، باوَرمندی بازێن دِلبڈّیے داتنت. رندا آتک و یونانا رَست.

کاسِدانی کار 20:2 Referans Kwoze

په تِسالونیکیان پولُسئے ائولی کاگد 4:1

براتان! دگه گپّے اِش اِنت، ما شمارا سۆج داتگ که وتی زِندا چۆن بگوازێنێت که هُدا چه شما وشّ و رزا ببیت و شما اَنچُش کنگا اێت هم. نون هُداوندێن ایسّائے ناما گۆن شما دَزبندیَ کنێن و گوَشێن که اے چیزّا رۆچ په رۆچ گێشتر بکنێت.

په تِسالونیکیان پولُسئے ائولی کاگد 2:3

اے دَزبندیا که ما کنێن، اِشیا ردی یا بدنیّتی مان نێست و ما شمارا رَد دئیگ هم نلۆٹێن،

په تِسالونیکیان پولُسئے ائولی کاگد 2:11

شما زانێت که ما گۆن شما هر یَکّێا انچُش اَتێن که مهربانێن پتے گۆن وتی جندئے چُکّانَ بیت.

کاسِدانی کار 20:11

گڑا بُرزاد شت، نانی چُنڈ چُنڈ کرت و وارت، رندا گۆن آیان وتی گپّ و تْرانی تان گوَرباما دێما برت و پدا چه اۆدا در کپت و شت.

کاسِدانی کار 17:10

اَنچُش که شپ بوت، براتان پولُس و سیلاس بیریَهئے شهرا راه داتنت. اۆدئے رسگا، یَهودیانی کَنیسَها شتنت.

کاسِدانی کار 17:1

پولُس و سیلاس، چه اَمْپیپولیس و اَپولونیَهئے شهران گوَستنت و تِسالونیکیا آتکنت، یَهودیان اۆدا کَنیسَهے هست‌اَت.

کاسِدانی کار 16:12

چه اۆدا پیلیپیا شتێن، که مَکْدونیَهئے آ بهرئے مزنێن شهرے و رومیانی مِنندجاه اِنت و تان چیزّے رۆچا همۆدا مهتل بوتێن.

کاسِدانی کار 15:41

کِلیسایان مُهر و زۆرمند کنان، چه سوریَه و کیلیکیَهئے دَمگان ترّ و تاب کنانا شت.

کاسِدانی کار 14:22

مریدِش سر و سۆج کرت و دِلبڈّی داتنت که وتی باوَرا مُهر بدارنت. گوَشتِش: ”ما، گۆن بازێن سکّی و سۆریانی سَگّگا هُدائے بادشاهیا شتَ کنێن.“

کاسِدانی کار 2:40

پِتْرُسا، آ، پنت و سۆج دئیانا کَڈّن کرت و گوَشتنت: ”وتا چه اے گُمراهێن نَسل و پَدرێچا برَکّێنێت.“

لوکا 3:18

یَهیایا، مردم دگه بازێن سر و سۆج و دِلبڈّی هم داتنت و وشّێن مِستاگ، دئیان کرت.

کاسِدانی کار 20:1

اِپێسُسئے شهرئے شۆرشے هلاسیا رَند، پولُسا آ شهرئے مرید لۆٹت و دِلبڈّی داتنت، گڑا چه آیان رُکستی گپت و دێم په مَکْدونیَها راه کپت.

کاسِدانی کار 20:3

اۆدا تان سئے ماها مهتل بوت. گۆن بۆجیگێا سوریَهئے رئوگا پێسر، یَهودیان په آییا پندلے سازِت، پمێشکا چه مَکْدونیَهئے راها پِر ترّگئے شئوری کرت.