کاسِدانی کار 18:15 - هُدائے پاکێن کتاب، بلۆچی زبانا

¹⁵ بله شمئے جێڑه، لَبز و نام و شمئے یَهودی شَریَتئے بارئوا اِنت، پمێشکا شما بزانێت و شمئے کار. من اے کارانی تها پاد مانَ نکنان.“

کاسِدانی کار 18:15 Referans Kwoze

کاسِدانی کار 23:29

سهیگ بوتان که آییا وتی شَریَتئے جێڑهانی سرا مئیاریگ کنگا اَنت و آییا هچّ چُشێن کارے نکرتگ که کئید و بند، یا مَرکئے سِزاوار ببیت.

کاسِدانی کار 25:19

اے مردئے سرا آیانی بُهتام وتی جِندئے دینی هبر و ایسّا نامێن مُرتگێن مردێئے بارئوا اَتنت که پولُسَ گوَشیت آ زندگ اِنت.

په تیموتاووسا پولُسئے ائولی کاگد 6:4

آ گُروناک اِنت و هچّ سرپدَ نبیت. آییا نٹَهگ و لبز و مانایانی سرا اَڑ و کُڑ کنگ وَشَّ بیت و اے نادراهیے. اِشیئے آسر هما مردمانی نیاما هَسَدّ، سِست و سێد، بُهتام‌جَی، بدگُمانی و

په تیتوسا پولُسئے کاگد 3:9

چه بێسرێن اَڑ و کُڑان و مُپتێن سر و بُن کنگان و چه دپجاک و شَریَتئے بارئوا جنگ و جێڑهان وتا دور بدار، چێا که اے بێمانا و بێپائدگێن گپّ اَنت.

په تیموتاووسا پولُسئے دومی کاگد 2:23

ترا گۆن اَهمَک و ناسرپدێن گپّان کار مبیت، چێا که تئو زانئے که اے گپّ، اَڑ و کُڑ پادَ کننت.

په تیموتاووسا پولُسئے ائولی کاگد 1:4

وَتگَڑێن کسّه و هلاس نبئیۆکێن سر و بُنانی نێمگا هم دِلگۆش مکننت. اے چیزّ هُدائے کارئے دێما برگئے بدلا اَڑ و کُڑ اَڈَّ کننت، چێا که هُدائے کار چه ایمانئے راها دێما رئوت.

کاسِدانی کار 26:3

منَ زانان که تئو یَهودیانی سجّهێن دۆد و رَبێدگ و آیانی جێڑهان شَرَّ زانئے. پمێشکا گۆن تئو پِریات و دَزبندیَ کنان، منی هبرانی سرا گۆن شَرّێن سَبر و اۆپارے دِلگۆش گوَر بکنئے.

کاسِدانی کار 25:11

اگن من اَنچێن مئیارے بکرتێن که مَرکئے سِزایا هکدار بوتێنان، گڑا مَرکئے سِزائے سَگّگا هم تئیار بوتگ‌اَتان، بله اگن منی سرا یَهودیانی اے بُهتام راست نه‌اَنت، هچکَس منا په کُشگا آیانی دستا داتَ نکنت. منا کئیسَرئے هَکدیوانا ببرێت.“

مَتّا 27:24

وهدے پیلاتوسا دیست که هچّ کارے کرتَ نکنت و مردم شۆرش کنگا اَنت، گڑا آییا آپ زرت، مُچّیئے دێما وتی دست ششتنت و گوَشتی: ”من چه اے مردئے هۆنا بێمئیار آن، شما بزانێت و شمئے کار.“

یوهَنّا 18:31

پیلاتوسا گوَشت: ”اِشیا ببرێت و وتی شَریَتئے هسابا په اِشیا شئور و هُکمے ببُرّێت.“ یَهودیان گوَشت: ”مارا اے اجازت نێست که کَسێا مَرکئے سزا بدئیێن.“

مَتّا 27:4

گوَشتی: ”من سکّ مئیاریگ آن که یکّ بێگناهێن مردمے په کۆشارێنگا گراێنتگ.“ بله آیان پَسّئو دات: ”ما چۆن کنێن، تئو بزانئے و تئیی کار.“

کاسِدانی کار 18:13

گوَشتِش: ”اے مرد، چه موسّائے شَریَتئے راها ڈنّ، مردمان هُدائے پرستش کنگا هُجَّ کنت.“