کاسِدانی کار 15:29 - هُدائے پاکێن کتاب، بلۆچی زبانا

²⁹ شما چه بُتانی ناما کُربانیگ کرتگێن گۆشتا، چه هۆنئے ورگا، چه مُردارێن دَلوَتانی گۆشتا و چه زنا و بێننگیا پهرێز بکنێت. چه اے کاران وتا دور دارگ، په شما باز شَرّ اِنت. وشّ و سلامت باتێت.“

کاسِدانی کار 15:29 Referans Kwoze

کاسِدانی کار 15:20

په آیان بنبیسێن: چه هما کُربانیگان که گۆن بُتانی نامئے گِرگا ناپاک بوتگ‌اَنت، چه زنا و بێننگیا، چه مُردارێن دَلوَتانی گۆشتا، اَنچُش هم چه هۆنئے ورگا پهرێز بکننت.

کاسِدانی کار 21:25

بله ما هما درکئومێن باوَرمندانی سرا نبشتگ که مئے هُکم آیانی بارئوا چے اِنت. چه بُتانی ناما کُربانیگ کرتگێن گۆشتا، چه هۆنئے ورگا، چه مُردارێن دَلوَتانی گۆشتا و چه زنا و بێننگیا پهرێز بکننت.“

اِلهام 2:20

بله منا چه تئو یکّ گِلَگے هست که تئو هما جنێن، ایزابِلا سگّگا ائے که وتا پئیگمبرے گوَشیت. آ تالیم دئیگا اِنت و منی هِزمتکاران گُمراه کنگا اِنت. آیان بێراه و رهبندێن وپت و واب و هما کُربانیگانی ورگئے سۆجا دئیگا اِنت که په بُتان کنگ بوتگ‌اَنت.

اِلهام 2:14

بله منا گۆن تئو لهتێن گِلگ هست. تئیی کِرّا لهتێن مردم هست که بَلیامئے تالیمئے منّۆک اَنت. بَلیاما بالاک سۆج دات که په اِسراییلئے چُکّان دامے چێر بگێجیت که اِسراییلئے چُکّ، په بُتان کرتگێن کُربانیگان بوَرنت و بێراه و رهبندێن وپت و واب بکننت.

یَهودائے کاگد 1:24

هما که شمارا چه ٹَگل ورگ و کپگا مُهر داشتَ کنت و بےائیب و گۆن مزنێن شادمانیے شمارا وتی پرشئوکتێن درگاها برت و سر کرتَ کنت،

یوهَنّائے ائولی کاگد 5:21

او دُردانگێن چُکّان! وتا چه بُتان دور بدارێت و بپهرێزێت.

آکوب 1:27

هما هُدادۆستی که مئے هُداێن پت، پاک و بےائیبیَ زانت: ”سکّیانی وهدا جنۆزام و چۆرئوانی دستا گِرگ“ و ”وتا چه اے دنیائے گَندگیان پاک دارگ“ اِنت.

په تیموتاووسا پولُسئے ائولی کاگد 5:22

کَسیئے سرا دستئے اێر مُشگ و آییا کلیسائے کَماش کنگا اِشتاپ مکن که دگرانی گناهان شریکدارَ بئے. وتا پاک و پَلگار بدار.

کاسِدانی کار 18:21

چه آیان رُکستی گپت و گوَشتی: ”اگن هُدائے رزا ببیت، دگه برے شمئے کِرّا کایان.“ گڑا بۆجیگێا نِشت و چه اِپێسُسا در آتک.

لوکا 9:61

دگرێا گوَشت: ”او واجه! من تئیی رَندگیریا کنان، بله منا بِلّ تان پێسرا وتی لۆگئے مردمان رُکست بکنان.“

کاسِدانی کار 23:30

وهدے منا هال رَست که په آییئے کُشگا پندلے سازگ بوتگ، هما دمانا تئیی گوَرا راهُن دات. من، هما مردم که آییئے سرا بُهتامَ جننت، پرمان داتگ‌اَنت که گۆن آییا وتی اَڑا تئیی دێما پێش بکننت.“

پێدایش 9:4

بله آ گۆشتا هچبر مئورێت که آییا زند، بزان هۆن مان اِنت.