په تیموتاووسا پولُسئے دومی کاگد 4:20 - هُدائے پاکێن کتاب، بلۆچی زبانا

²⁰ اِراستوس کُرِنتئے شهرا نِشت و تْروپیموس که نادْراه اَت، من میلیتوسئے شهرا یله دات.

په تیموتاووسا پولُسئے دومی کاگد 4:20 Referans Kwoze

کاسِدانی کار 20:4

آییئے همراه اِش اَتنت: پیرّوسئے چُکّ سوپاتِروس که بیریَهئے مردمے اَت، اَریسْتَرکاس و سِکونْدوس که تِسالونیکیئے مردم اَتنت، گایوس که دِرْبِهئے مردمے اَت، تیموتاووس، تیکیکوس و تْروپیموس که آسیائے دَمگئے مردم اَتنت.

کاسِدانی کار 21:29

آیان اے هبر پمێشکا کرت که پێسرا پولُسِش گۆن تْروپیموسا، که اِپێسُسئے شهرئے نندۆکے اَت، اورشَلیمئے بازارا دیستگ‌اَت. گُمانِش کرتگ‌اَت که پولُسا، تْروپیموس مزنێن پرستشگاها آورتگ.

کاسِدانی کار 19:22

آییا چه وتی کُمک‌کاران دو مردم، تیموتاووس و اِرَسْتوس مَکْدونیَها رئوان کرتنت و وت کمّے وهد گێشتر آسیائے دَمگا مهتل بوت.

پولُسئے کاگد په رومیان 16:23

گایوس که منا و کلیسائے سجّهێن مردمی وتی مهمانداریئے ساهگا داشتگ‌اَنت شمارا سلام و درۆتَ گوَشیت. اے شهرئے هزانگئے کِلیتدار اِراستوس و مئے برات کْوارتوس شمارا سلامَ گوَشنت.

کاسِدانی کار 20:15

چه اۆدا دومی رۆچا کیوسئے جَزیرهئے دێما آتک و رَستێن. سئیمی رۆچا، ساموسئے بَندِن و چارمی رۆچا میلیتوسئے شهرا آتکێن.

کاسِدانی کار 20:17

پولُسا چه میلیتوسئے شهرا، په اِپێسُسئے کِلیسائے کماشان کُلئو راه دات و آ وتی کِرّا لۆٹتنت.

کاسِدانی کار 18:1

رَندا، پولُس چه آتِنئے شهرا در آتک و کُرِنْتئے شهرا شت.

کاسِدانی کار 18:8

کَنیسَهئے مسترئے نام، کْریسپُس اَت. آییا گۆن وتی لۆگئے سجّهێن مردمان، هُداوندێن ایسّائے سرا باور کرت. کُرِنْتئے شهرئے دگه بازێن مردم هم گۆن پولُسئے هبرانی اِشکنگا، باوَرمند بوتنت و پاکشۆدی‌اِش کرت.