په تیموتاووسا پولُسئے دومی کاگد 3:10 - هُدائے پاکێن کتاب، بلۆچی زبانا

¹⁰ بله تئو منی بارئوا زانئے، منی سجّهێن تالیم، منی زندئے وڑ و پئیم، منی مکسد، ایمان، سَبر، مِهر و سگّ و برداشتئے بارئوا و

په تیموتاووسا پولُسئے دومی کاگد 3:10 Referans Kwoze

په تیموتاووسا پولُسئے ائولی کاگد 6:11

بله تئو، او تیموتاووس، هُدایی مردمے ائے. چه اے چیزّان وتا دور بدار و پهرێزکاری، هُداتُرسی، ایمان، مِهر، سَبر و اۆپار و نرم‌تَبیئے رَندا بکپ.

په تیتوسا پولُسئے کاگد 2:7

تئو هر شرّێن کارا په آیان مسالے ببئے. تالیم دئیَگا تچک و راست و گْران و سنگین ببئے و

په تیموتاووسا پولُسئے ائولی کاگد 4:6

اگن تئو همے چیزّان باورمندان سۆج بدئیئے، گڑا بزان ایسّا مَسیهئے شرّێن هِزمتکارے ائے و ایمانئے راستیانی تها و شَرّێن تالیمئے تها رُستگئے، هما تالیم که تئو چه پێسرا آییئے رندگیریا کنگا ائے.

په پیلیپیان پولُسئے کاگد 2:22

بله شما وتَ زانێت که تیموتاووسا لاهکی پێش داشتگ. آ په وشّێن مِستاگئے شِنگ کنگا گۆن من اَنچُش همکۆپگ بوتگ که چُکّے گۆن پتا.

کاسِدانی کار 11:23

وهدے آ اۆدا رَست و هُدائے رهمتی دیست، گَل بوت و مردمی دِلبڈّی داتنت که په دل هُداوندئے وپادار و مَنّۆک ببنت.

پِتْرُسئے دومی کاگد 3:11

نون که زانێت هرچے مئے چاگردا هست گار و زئوال بئیگی اِنت، گڑا باید اِنت شمئے زِند پاک و پَلگار ببیت و په هُدادۆستی بگوَزیت.

په تیموتاووسا پولُسئے دومی کاگد 4:3

چێا که یَکّ وهدے کئیت که مردم راستێن تالیما بَرداشتَ نکننت و وتی چپّ و چاگردا انچێن تالیم دئیۆکانی مزنێن رُمبے مُچَّ کننت که آیانی دلئے هبرا بکننت.

په تیموتاووسا پولُسئے دومی کاگد 2:22

وتا چه ورناییئے هئوا و هئوَسان دور بدار و هما مردم که گۆن ساپێن دلے هُداوندئے ناما گِرنت، آیانی همراهیا پهرێزکاری و ایمان و مِهر و اێمنیا شۆهاز بکن.

په تِسالونیکیان پولُسئے ائولی کاگد 1:5

چێا که مئے وشّێن مِستاگ هُشکێن گپّے نه‌اَت که شمارا سر بوت، زۆر و واک و پاکێن روهی هم گۆن اَت و مُهکمێن سِتکے هم مان اَتی. شما زانێت که ما گۆن شما چۆن اَتێن و ما په شما چے کرت.

پولُسئے کاگد په رومیان 16:17

او براتان! چه شما دَزبندیَ کنان، آ مردمان شَرّ بچارێت و وتا چه آیان دور بدارێت که مردمانی نیاما پلێنڈیَ کننت و شمئے گپتگێن تالیمانی هلاپا گناهئے سئوَبسازَ بنت.

کاسِدانی کار 26:4

سجّهێن یَهودی شَرَّ زاننت که منی زِند چِه پئیما بوتگ و منی کسانی و وَرنایی وتی مردمانی گوَرا و رَندا اورشَلیما چۆن گوَستگ.

کاسِدانی کار 20:18

کماش که آتکنت، گۆن آیان گوَشتی: ”شما وتَ زانێت چه هما ائولی رۆچا که من آسیائے دَمگا پاد اێر کرتگ، چِه پئیما وتی زِند گۆن شما گوازێنتگ.

کاسِدانی کار 2:42

آیان، په کاسِدانی درس و سَبکّا، په شریکدارێن زِندا، په نانئے بهر کنگ و په دْوایا، وتا نَدر کرت.

په تیموتاووسا پولُسئے ائولی کاگد 1:3

هما وهدا که مَکدونیَها رئوگا اَتان، من گۆن تئو دزبندی کرت و انّون هم گوَشان که اِپێسُسئے شهرا بدار و لهتێن مردم که درۆگێن تالیم دئیگا اِنت، آیان هُکم بدئے که وتی اے کارا بند بکننت و

دانیال 1:8

دانیالا اِراده کرت که من وتا گۆن شاهی وراک و شرابان پلیتَ نکنان. گڑا آییا گۆن دربارئے کارمسترا دزبندی کرت که اگن تئو رَزا دئیئے، من اے وراکانَ نئوَران و وتا پلیتَ نکنان.

په پیلیپیان پولُسئے کاگد 2:20

چێا که منا دگه چشێن همدلێن مردمے نێست که په دل و سِتک شمئے هئیالا ببیت.

په تیموتاووسا پولُسئے دومی کاگد 4:2

تئو هُدائے هبرئے جارا بجن، وهد و ناوهد په جار جنگا تئیار بئے. مردمان هکّل کن و گۆن مزنێن سبر و اۆپار و بازێن سر و سۆجے آیانی ردیان راست کن و دلبَڈّی‌اِش بدئے.

په تیموتاووسا پولُسئے دومی کاگد 4:7

من وتی نێکێن جُهد کرتگ، من وتی زندئے تاچ و مئیدان سَرجم کرتگ و وتی ایمانئے سرا اۆشتاتگان.