یوهَنّائے دومی کاگد 1:10 - هُدائے پاکێن کتاب، بلۆچی زبانا

¹⁰ اگن کَسے شمئے گوَرا بیئیت و اے تالیما مئیاریت، آییا وتی لۆگا مئیلێت و وشّاتکی مگوَشێت.

یوهَنّائے دومی کاگد 1:10 Referans Kwoze

په تیتوسا پولُسئے کاگد 3:10

انچێن مردمے که باورمندانی رُمبا پرُشت و پرۆشَ کاریت، یکّ و دو رندا آییا هبردار کن. اگن شَرّ نبوت، وتا چه آییا دور بدار.

په تِسالونیکیان پولُسئے دومی کاگد 3:6

براتان! ما شمارا وتی هُداوندێن ایسّا مَسیهئے ناما هُکمَ دئیێن، هر براتے که تَمبَل و جاندُزّ اِنت و مئے کرتگێن سر و سۆجانی هسابا زند گوازێنگا نه‌اِنت، وتا چه آییا دور بدارێت.

په تِسالونیکیان پولُسئے دومی کاگد 3:14

بله اگن کَسے اے هبران مَمنّیت که ما اے کاگدا نبشته کرتگ‌اَنت، وتی چمّان چه آییا دور مکنێت بله گۆن آییا نند و پاد آ مکنێت، بِلّی شرمندگَ بیت.

یوهَنّائے دومی کاگد 1:11

پرچا که اے ڈئولێن مردمێئے وشّاتک کنگ، گۆن آییئے رَدێن کاران شریکدار بئیگ اِنت.

زَبور 129:8

رَهگوَزے هم په آیان نێک‌دْوا مکنات و مگوَشات: ”هُداوند شُمارا برکت بدئیات، ما هُداوندئے ناما شُمارا برکتَ دئیێن.“

پێدایش 24:12

آییا دْوا کرت و گوَشت: ”او هُداوند! منی واجهێن اِبراهێمئے هُدا! مرۆچی منا سۆبێن کن و منی واجهێن اِبراهێمئے سرا مِهربان بئے.

کاسِدانی کار 15:23

آیانی دستا کاگدے داتِش که اے ڈئولا اَت: ”ما، کاسِد و کِلیسائے کماشێن مردم و شمئے برات، شمارا، بزان اَنْتاکیَه، سوریه و کیلیکیَهئے درکئومێن باوَرمندێن براتان دْرۆت و دْرَهباتَ دئیێن.

یوهَنّائے سئیمی کاگد 1:10

وهدے وت بیایان، آییئے کارانی هساب و کتابا کنان، چێا که مئے هِلاپا درۆگێن بُهتام شِنگ و تالان کنگا اِنت. په اینچُکا هم بسَّ نکنت، براتان وشّاتکَ نکنت و آ دگران هم که براتان وشّاتک کنگَ لۆٹنت په اے کارا نئیلیت و آیان چه کِلیسایا درَ کنت و گلّێنیت.