په تیموتاووسا پولُسئے ائولی کاگد 5:13 - هُدائے پاکێن کتاب، بلۆچی زبانا

¹³ اِشیا ابێد تَمبَلی و جاندُزّی آدتَ کننت و لۆگ په لۆگَ رئونت. تهنا جاندُزَّ نبنت، هبر هم برنت و کارنت، هرکَسی کارا کارَ دارنت و اَنچێن هبرَ کننت که باید مکننت.

په تیموتاووسا پولُسئے ائولی کاگد 5:13 Referans Kwoze

کاسِدانی کار 20:30

تنتنا شمئے وتی نیاما هم اَنچێن مردم پادَ کاینت که راستێن هبران پرُشت و پرۆشَ کننت تانکه مریدان وتی نێمگا بکَشّنت.

په تیتوسا پولُسئے کاگد 1:11

اے مردمانی دپ باید اِنت بند کنگ ببیت، چێا که په وتی لالِچ و تَماها لهتێن لۆگا سرجما تباه کنگا اَنت. اے اَنچێن تالیم دئیگا اَنت که باید اِنت مدئینت.

کاسِدانی کار 20:20

وتَ زانێت، شمئے نپ و سوتّا هرچے که منی دستا بئیگی بوتگ من کرتگ و هُدائے کُلئو په شما، مُچّیانی تها و لۆگ په لۆگ آورتگ و سر کرتگ.

لوکا 10:7

هما یکّێن لۆگا بدارێت و لۆگ په لۆگ مرئوێت. هرچے که شمارا په ورگا داتِش، بوَرێت و بنۆشێت، چێا که کار کنۆک وتی رۆزیگئے هکدار اِنت.

یوهَنّائے سئیمی کاگد 1:10

وهدے وت بیایان، آییئے کارانی هساب و کتابا کنان، چێا که مئے هِلاپا درۆگێن بُهتام شِنگ و تالان کنگا اِنت. په اینچُکا هم بسَّ نکنت، براتان وشّاتکَ نکنت و آ دگران هم که براتان وشّاتک کنگَ لۆٹنت په اے کارا نئیلیت و آیان چه کِلیسایا درَ کنت و گلّێنیت.

پِتْرُسئے ائولی کاگد 4:15

وتا پهرێزێت که چه شما کَسے هۆنی، دُزّ، رَدکار و پلێنڈ بئیگئے سئوَبا سکّی و سۆریانی تها مکپیت.

آکوب 3:10

چه یکّێن دپا ستا و سنا هم درَ کئیت و بد‌دْوایی و نالت هم. او براتان! نباید اِنت چُش ببیت.

په تیموتاووسا پولُسئے ائولی کاگد 5:12

اے پئیما، گۆن وتی ائولی کئول و وادهئے پرۆشگا وتی سرا مئیارباریَ کارنت.