په تیموتاووسا پولُسئے ائولی کاگد 4:8 - هُدائے پاکێن کتاب، بلۆچی زبانا

⁸ چێا که جسمی تَمرین بێپائدگ نه‌اِنت، بله هُداتُرسیئے پائدگ هر هسابا باز اِنت که په انّوگێن زندا هم هُدائے کئول و کراری گۆن اَنت و په آیۆکێن زندا هم.

په تیموتاووسا پولُسئے ائولی کاگد 4:8 Referans Kwoze

مَتّا 6:33

چه هر چیزّا پێسر، هُدائے بادشاهی و آییئے راستێن راهئے شۆهازا ببێت، اے سجّهێن وت شمارا دئیگَ بنت.

په تیموتاووسا پولُسئے ائولی کاگد 6:6

بله راستێن گپّ اِش اِنت که هُداترسی گۆن رزامندیا مزنێن پائدگے.

یوهَنّائے ائولی کاگد 2:25

اے هما چیزّ اِنت که هماییا مارا لبز و واده داتگ، بزان نمیرانێن زِند.

مَرکاس 10:30

هُدا آیانی بدلا سَد برابر گێشترَ دنت. همے جهانا، گۆن سکّی و سۆریانی همراهیا، لۆگ، برات و گهار، مات، چُکّ، مال و ڈگار آییا رسیت و آ دگه جهانا هم اَبدمانێن زِندئے واهندَ بیت.

زَبور 37:29

پهرێزکار مُلکا میراسَ برنت و تان اَبد همۆدا جهمنندَ بنت.

زَبور 37:11

نرم‌دل مُلکا میراسَ برنت و چه وشّێن سُهل و اێمنیا شادکامیَ کننت.

زَبور 145:19

هرکَسا که هُدائے تُرس دلا اِنت، هُدا آییئے واهگان پورهَ کنت و آییئے پریاتان گۆشَ داریت و رَکّێنیتی.

زَبور 84:11

که هُداوندێن رۆچ و اِسپرے، هُداوند رهمتَ بَکشیت و اِزّتَ دنت. هما که زندا په بێمئیاریَ گوازێنیت، هُداوند شرّێن چیزّان چه آییا دورَ نداریت.

اِلهام 3:21

هما که سۆبێنَ بیت، من آییا گۆن وت، وتی تَهتئے سرا نندگئے هَکّا دئیان، همے پئیما که من سۆبێن بوتان و گۆن وتی پتا، آییئے تَهتئے سرا نِشتان.

په تیتوسا پولُسئے کاگد 3:8

اے گپّ راست اِنت و منَ لۆٹان که تئو اے تالیمئے سرا زۆر بدئیئے، تانکه هما مردمان که وتی اُمێت گۆن هُدایا بستگ، وتی دلگۆشا گۆن شَرّێن کاران بکننت. اے شَرّێن هبر اَنت و په هرکَسا پائِدَگمَند اَنت.

اِلهام 3:12

هما که سۆبێنَ بیت، من آییا وتی هُدائے پرستشگاهئے مِنُکے جۆڑَ کنان و آ پدا هچبر چه پرستشگاها درَ نئیئیت. من آییئے سرا وتی هُدا و وتی هُدائے شهر، نۆکێن اورشَلیمئے ناما و وتی نۆکێن ناما نبشتهَ کنان. نۆکێن اورشَلیم چه منی هُدائے نێمگا، چه آسمانا اێرَ کئیت.

زَبور 37:9

چیا که بدکار گُڈّگَ بنت، بله آ که هُداوندئے ودارا اَنت مُلکا میراسَ برنت.

پولُسئے کاگد په رومیان 8:28

ما زانێن، هُدا سجّهێن چیزّان په وتی دۆست دارۆکانی شَرّی و اێمنیا کارَ بندیت، په همایان که هُدائے مکسدا گْوانک جنَگ بوتگ‌اَنت.

مَتّا 19:29

هرکَسا په منی نامئیگی لۆگ، برات و گهار، پت و مات، چُکّ یا مال و ڈگار یله داتگ‌اَنت، آییا سد سری گێشترَ رَسیت و اَبدمانێن زِندئے واهندَ بیت.

مَتّا 12:32

هرکَس انسانئے چُکّئے بارئوا سِلّێن هبرے بکنت بَکشگَ بیت، بله آ که پاکێن روهئے بارئوا سِلّێن هبرے بگوَشیت، نه اے دنیایا پهِلّ کنگَ بیت و نه آیۆکێن دنیایا.

په تیموتاووسا پولُسئے ائولی کاگد 4:7

وتا چه وَتگڑێن و بے سر و پادێن کِسّهان که گۆن هُدایا هچّ سر و کارِش نێست، دور بدار. گۆن اِشان سر و چێر بئیگئے بدلا وتا هُداتُرسیئے تَمرینا بدئے.

په تیموتاووسا پولُسئے ائولی کاگد 6:3

اگن کسے رَدێن تالیم بدنت و چه مئے هُداوندێن ایسّا مَسیهئے راستێن هبران و هُداتُرسیئے تالیما دور ببیت،

په تیموتاووسا پولُسئے ائولی کاگد 6:5

دائِمی جێڑه و جَنجال اِنت که آیانی پگر و هئیال سِلّ تَرّتگ‌اَنت و آ چه راستیا دور برگ بوتگ‌اَنت. اِشانی گُمان همش اِنت که هُداتُرسی پائدگمندێن کار و بارے.

په تیموتاووسا پولُسئے دومی کاگد 3:5

زاهرا هُداتُرسَ بنت بله هما زۆر و واکا نمنّنت که آیان په راستی هُداتُرسَ کنت. ترا گۆن چُشێن مردمان هچّ کار مبیت.

لوکا 5:38

نۆکێن شراب، باید اِنت نۆکێن زِکّا مان رێچگ ببیت.