په تیموتاووسا پولُسئے ائولی کاگد 1:1 - هُدائے پاکێن کتاب، بلۆچی زبانا

¹ چه پولُسئے نێمگا، منِ پولُس که چه مئے رکّێنۆکێن هُدا و مئے اُمێت ایسّا مَسیهئے هُکما، ایسّا مَسیهئے کاسدے آن،

په تیموتاووسا پولُسئے ائولی کاگد 1:1 Referans Kwoze

په تیتوسا پولُسئے کاگد 1:3

مئے رکّێنۆکێن هُدایا، وتی هُکمئے برکتا، اے پئیگامئے جار جنگئے زمّه‌واری منا داتگ و اے پئیما وتی هبری په وهد زاهر کرتگ.

کاسِدانی کار 9:15

بله هُداوندا گۆن هَنّانیایا گوَشت: ”برئو، من په وتی هِزمتکاریا، آ گچێن کرتگ که درکئوم و آیانی بادشاه و اِسراییلیانی گوَرا برئوت و په منی ناما گواهی بدنت.

یَهودائے کاگد 1:25

مئے یکّ و یکدانگێن هُدا و رَکّێنۆکا، مئے هُداوند ایسّا مَسیهئے وَسیلها، چه اَزل، انّون و تان اَبد شان و شئوکت و واک و کدرت برسات! اَنچُش بات. آمین.

پِتْرُسئے ائولی کاگد 1:3

مئے هُداوندێن ایسّا مَسیهئے هُداێن پتا ستا و سنا بات. چه وتی سررێچێن رهمتا و گۆن ایسّا مَسیهئے چه مُردگان زندگ بئیگا، هُدایا مارا نۆکسرا پێدا کرت تان مارا زندگێن اُمێتے برسیت.

په تیموتاووسا پولُسئے ائولی کاگد 1:12

مئے هُداوندێن ایسّا مَسیه که منا زۆر و واکی داتگ، من آییئے شُگرا گِران که آییا منا وپادار زانت و په وتی هزمتکاریا داشت.

په گَلاتیان پولُسئے کاگد 1:1

چه پولُسئے نێمگا، منِ پولُس که کاسِدے آن و منی کاسدی چه اِنسانانی نێمگا یا چه هاسێن مردمێئے نێمگا نه‌اِنت، چه ایسّا مَسیه و هُداێن پتئے نێمگا اِنت، هما هُدا که ایسّا مَسیهی چه مُردگان زندگ کرت.

پِتْرُسئے دومی کاگد 1:1

چه ایسّا مَسیهئے هِزمتکار و کاسِد، شَمون پِترُسئے نێمگا، په همایان که چه مئے هُدا و رَکّێنۆک ایسّا مَسیهئے برکتا، هما پئیمێن بێبهاێن باوَرے رَستگِش که مارا رَستگ.

په تیموتاووسا پولُسئے ائولی کاگد 2:7

من په اے مکسدا گِچێن کنگ بوتگان که جار جنۆک و کاسِدے ببان و درکئومان ایمان و راستیئے تالیما بدئیان. من راست گوَشگا آن، درۆگ نبندگا آن.

په تِسالونیکیان پولُسئے دومی کاگد 2:16

مئے هُداوندێن ایسّا مَسیهئے جند و مئے هُداێن پت که مارا دۆستَ داریت و وتی رهمتئے برکتا مارا ابَدی دلبڈّی و شَرّێن اُمێتی داتگ،

یوهَنّائے ائولی کاگد 4:14

ما دیستگ و گواهیَ دئیێن که پتا وتی چُکّ رئوان داتگ تان جهانئے رَکّێنۆک ببیت.

پِتْرُسئے ائولی کاگد 1:21

چه آییئے وَسیلها، شمارا هُدائے سرا باور هست، هما هُدائے سرا که مَسیهی چه مُردگان زِندگ کرت و شان و شئوکتی دات. پمێشکا، شما هُدائے سرا باوَرَ کنێت و چه هماییا اُمێتوار اێت.

په تیتوسا پولُسئے کاگد 3:6

هُدایا مارا مئے رکّێنۆکێن ایسّا مَسیهئے برکتا، چه پاکێن روها سررێچ کرت،

په تیتوسا پولُسئے کاگد 3:4

بله مئے رکّێنۆکێن هُدائے مهربانی و مِهر که زاهر بوت،

په تیتوسا پولُسئے کاگد 2:10

چه آیانی مالان هچّ چیزّ مدُزّنت و شَرّێن اَمانَتدار ببنت تانکه هما تالیم که مئے رکّێنۆکێن هُدائے بارئوا اِنت، آ تالیما په مردمان دِلکَشّ بکننت.

په تیموتاووسا پولُسئے ائولی کاگد 4:10

پمێشکا ما وتی وَسا کار و جُهدَ کنێن، چێا که ما وتی اُمێت نمیرانێن هُدائے سرا بستگ. سجّهێن مردمانی رکّێنۆک هما اِنت، هاس همایانی رکّێنۆک اِنت که ایمانَ کارنت.

په تیموتاووسا پولُسئے ائولی کاگد 2:3

همے کار شَرّ اَنت و مئے نجات دئیۆکێن هُدایا دۆستَ بنت،

په گَلاتیان پولُسئے کاگد 1:11

او براتان! شمارا گوَشان، هما وشّێن مِستاگ که من شمئے کِرّا جار جتگ، اِنسانئے سازتگێنے نه‌اِنت.

پولُسئے کاگد په رومیان 1:1

چه ایسّا مَسیهئے هِزمتکار، پولُسئے نێمگا که په کاسِدیا گْوانک جنَگ بوتگ و زِندی په هُدائے وشّێن مِستاگا وَپْک اِنت،

لوکا 1:47

منی روه گَلا بال اِنت، که هُدا منی رَکّێنۆک اِنت.

زَبور 106:21

وتی رَکّێنۆکێن هُدااِش شمُشت، هما که مِسرا مزنێن کاری کرتگ‌اَت.

لوکا 2:11

آ اِش اِنت که داوودئے شهر بئیت‌لَهِما مرۆچی په شما رَکّێنۆکے پێدا بوتگ که آ، هُداوندێن مَسیه اِنت.