پِتْرُسئے ائولی کاگد 4:9 - هُدائے پاکێن کتاب، بلۆچی زبانا

⁹ بے نُرنڈگا وتی لۆگئے دپا په یکدومیا پَچ بکنێت.

پِتْرُسئے ائولی کاگد 4:9 Referans Kwoze

پولُسئے کاگد په رومیان 12:13

هُدائے پَلگارتگێن مردمانی هاجتان پوره کنگا شریکدار ببێت و وتی لۆگئے دروازگا په دَرامدانی مهمانداریا پَچ بکنێت.

په پیلیپیان پولُسئے کاگد 2:14

هرچے که کنێت، بے نُرُنڈگ و بے دَپجاکا بکنێتی

په تیتوسا پولُسئے کاگد 1:8

کماش باید اِنت مهمان‌نئواز ببیت، شَرّی و نێکیا دۆست بداریت، داشتی ببیت، پهرێزکار، پاک و پلگار و شِهم و رَهدار ببیت.

په تیموتاووسا پولُسئے ائولی کاگد 3:2

باید اِنت کلیسائے کماش انچێنے ببیت که آییا مردمانی مَلامت پِر مبیت، گۆن وتی جَنا وپادار ببیت، گْران و سنگینێن مردمے ببیت و وتا داشت بکنت، مَڑاهدار و مِهمان‌نئواز ببیت و شَرّیا تالیم دات بکنت،

آکوب 5:9

او براتان! یکدومیئے زنگا مجنێت تانکه دادرسیا مئیاریگ کنگ مبێت. چێا که دادرس، دروازگئے دپا اۆشتاتگ.

په پیلیمونا پولُسئے کاگد 1:14

بله بے تئیی رَزایا من هچّ کنگَ نلۆٹان، که تئو هِچّ کار په مجبوری مکنئے، تئیی جندئے واهگ و رَزا گۆن ببیت.

پولُسئے کاگد په رومیان 16:23

گایوس که منا و کلیسائے سجّهێن مردمی وتی مهمانداریئے ساهگا داشتگ‌اَنت شمارا سلام و درۆتَ گوَشیت. اے شهرئے هزانگئے کِلیتدار اِراستوس و مئے برات کْوارتوس شمارا سلامَ گوَشنت.

پێدایش 24:19

رِبِکّایا هِزمتکار آپ دات، رندا گوَشتی: ”من تئیی اُشتران هم آپَ دئیان، تان هما وهدا که وت بَسّ بکننت.“