یوهَنّائے ائولی کاگد 5:18 - هُدائے پاکێن کتاب، بلۆچی زبانا

¹⁸ ما زانێن هرکَس که چه هُدایا پێدا بوتگ، گناهَ نکنت، هما که چه هُدایا پێدا بوتگ هُدا وت آییئے نِگهپانیا کنت و شئیتانئے دست په آییا نرسیت.

یوهَنّائے ائولی کاگد 5:18 Referans Kwoze

یوهَنّائے ائولی کاگد 3:9

آ که چه هُدایا پێدا بوتگ گناهَ نکنت، پرچا که هُدائے زات آییا مان اِنت. گڑا آ گناه کرتَ نکنت، چێا که چه هُدایا پێدا بوتگ.

یوهَنّائے ائولی کاگد 5:4

چێا که هرچے چه هُدایا پێدا بوتگ، دنیائے سرا بالادست و سۆبێنَ بیت و مئے باور و ایمان همے بالادستی اِنت که دنیایا اێردستَ کنت.

یَهودائے کاگد 1:21

وتا هُدائے مِهرانی ساهگا بدارێت و مئے هُداوندێن ایسّا مَسیهئے رهمتئے اِنتزار و ودارا ببێت که شمارا په نمیرانێن زِندا سرَ کنت.

یوهَنّائے ائولی کاگد 5:1

هرکَسا اے باوَرمندی ببیت که ایسّا هما مَسیه اِنت، آ چه هُدایا پێدا بوتگ. هرکَسا که پت دۆست اِنت، چُکّا هم دۆستَ داریت.

یَهودائے کاگد 1:24

هما که شمارا چه ٹَگل ورگ و کپگا مُهر داشتَ کنت و بےائیب و گۆن مزنێن شادمانیے شمارا وتی پرشئوکتێن درگاها برت و سر کرتَ کنت،

یوهَنّائے ائولی کاگد 3:3

هرکَسا چه آییا چُشێن اُمێتے هست وتا پاکَ کنت، اَنچُش که آ وت پاک اِنت.

آکوب 1:27

هما هُدادۆستی که مئے هُداێن پت، پاک و بےائیبیَ زانت: ”سکّیانی وهدا جنۆزام و چۆرئوانی دستا گِرگ“ و ”وتا چه اے دنیائے گَندگیان پاک دارگ“ اِنت.

پِتْرُسئے ائولی کاگد 1:23

چێا که شمارا نۆکێن زِند چه زئوال بئیۆکێن تُهما نرَستگ، چه زئوال نبئیۆکێن تُهما رَستگ، بزان چه هُدائے زندگ و اَبدمانێن گال و هبرا.

یوهَنّائے ائولی کاگد 2:29

اگن زانێت که آ راست و پاک اِنت، گڑا زانێت هرکَس که راستیئے راها رئوت چه هماییا پێدا بوتگ.

یوهَنّا 15:9

هما پئیما که پتا منا دۆست داشتگ، من هم شمارا هما پئیما دۆست داشتگ. منی مِهرانی ساهگا بمانێت.

زَبور 119:101

من وتی پاد چه هر رَدێن راها دور داشتگ‌اَنت که تئیی هبرا داشت بکنان.

زَبور 18:23

آییئے دێما تمان و بےائیب بوتگان و وتا چه گناها دور داشتگ.

زَبور 17:4

مردمانی کار هر چے که بیت، بله من چه تئیی لُنٹانی گالا وتا چه زالِمانی راها دور داشتگ.

اِلهام 2:13

منَ زانان تئو کجا جَهمنند ائے، همۆدا که شئیتانئے تَهت اِنت، بله تئو منی نام مُهر داشتگ. تئو منی وپادارێن شاهد، اَنْتیپاسئے وهدا هم منی سرا باوَر کنگا اِنکار نکرت، هما اَنْتیپاس که شمئے نیاما کُشگ بوت، همۆدا که شئیتان جَهمنند اِنت.

یوهَنّائے ائولی کاگد 5:21

او دُردانگێن چُکّان! وتا چه بُتان دور بدارێت و بپهرێزێت.

یوهَنّائے ائولی کاگد 4:6

ما چه هُدایا اێن و کَسے که هُدایا زانت، آییئے دلگۆش مئے نێمگا اِنت، بله آ که چه هُدایا نه‌اِنت، آییئے دلگۆش مئے نێمگا نه‌اِنت. راستیئے روه و گُمراهیئے روها همے ڈئولا زانێن و پَجّاهَ کارێن.

یوهَنّا 15:7

اگن شما منی دل و درونا بمانێت و منی هبر شمئے دلا بماننت، هرچے که لۆٹێت بلۆٹێت، شمارا رسیت.

یوهَنّا 1:13

آ، نه چه هۆنا پێدا بوتنت و نه چه جِسمی واهگ و انسانی لۆٹان، آ چه هُدایا پێدا بوتنت.

زَبور 39:1

گوَشتُن که ”پهرێزَ کنان تان گۆن وتی زبانا گناه مکنان. تان وهدے بدکارے منی کِرّا اِنت وتی دپا لگامَ کنان.“

یوهَنّائے ائولی کاگد 3:12

کائِنئے ڈئولا مبێن که شئیتانئے چُکّ اَت و وتی براتی کُشت. نون چێا آ کُشتی؟ په اے سئوَبا که آییئے جندئے کار و کِرد سِلّ و شئیتانی اَتنت و براتئے کار نێک و هُدایی اَتنت.

کاسِدانی کار 11:23

وهدے آ اۆدا رَست و هُدائے رهمتی دیست، گَل بوت و مردمی دِلبڈّی داتنت که په دل هُداوندئے وپادار و مَنّۆک ببنت.

یوهَنّا 15:4

شما منی دل و درونا بمانێت و من شمئے دل و دورنا مانان. اگن ٹالے گۆن درچکا هۆر مبیت، بَر آورتَ نکنت. همے پئیما شما هم اگن گۆن من هۆر مبێت، بَر آورتَ نکنێت.

یوهَنّا 14:30

چه اِد و رند، گۆن شما باز هبرَ نکنان، چێا که اے جهانئے سردار شئیتانَ کئیت. آییا منی سرا هچّ واک و اِهتیار نێست.

آکوب 1:18

آییئے واهگ همے بوتگ که مارا چه راستیئے هبرئے وَسیلها پێدا بکنت، تانکه آییئے جۆڑ کرتگێنانی ائولی بَر و سَمر ببێن.

زَبور 119:3

هما که هچّ نااِنساپیَ نکننت و آییئے راها رئونت.

مَتّا 5:37

پمێشکا اۆدا که ’هئو‘ گوَشگی اِنت، بگوَشێت ’هئو‘ و اۆدا که ’اِنّه‘ گوَشگی اِنت، بگوَشێت ’اِنّه‘. چه اِشیا گێشتر شئیتانئے کار اِنت.

مَتّا 6:13

مارا آزمائِش و چَکّاسا دئور مدئے و چه شئیتانا برَکّێن.‘

یوهَنّائے ائولی کاگد 5:15

نون اگن زانێن هرچے چه آییا بلۆٹێن مارا اِشکنت، گڑا دلجم اێن که مئے لۆٹ و واهگ سَرجم بوتگ‌اَنت.

یوهَنّائے ائولی کاگد 5:19

ما زانێن که هُدائے چُکّ اێن و سجّهێن دنیا شئیتانئے زۆر و واکئے چێرا اِنت.

یوهَنّائے ائولی کاگد 5:20

اے چیزّا هم زانێن که هُدائے چُکّ آتکگ و مارا اے پۆه و زانتی داتگ که آ ”راستێنا“ بزانێن. ما هما ”راستێنئے“ اَرواه و جَبینا اێن، آییئے چُکّ ایسّا مَسیهئے اَرواه و جَبینا. راستێن هُدا و نمیرانێن زِند، هما اِنت.