Zekariah 8:2 - Hawaii Pidgin Bible

² Dis wat Da One In Charge, Da God Ova All Da Armies, tell: “I stay real jealous bout my strong love an aloha fo my Zion peopo! Dass why I stay burn inside fo dem jalike one fire!”

Zekariah 8:2 Referans Kwoze

Joel 2:18

Den Da One In Charge goin go all out fo his land, An show pity fo his peopo.

Nahum 1:2

Da One In Charge, da Boss, He one jealous God. He no like fo peopo pray to odda gods. He pay back peopo fo wat dey do. He stay real huhu. Fo shua, he pay back da peopo dat stay agains him. He had it wit wat da peopo do dat go agains him.

Isaiah 63:15

Da One In Charge! Look down from da sky From da place you live up dea, Yoa Good An Spesho Place, Dat show how awesome you stay! Look down fo see wat stay happen! Befo time you wen go all out fo us guys. But now, you no give a rip! Befo time, you wen use yoa powa fo help us guys. But now, you no do notting. You wen feel plenny love an pity fo me befo time, But now, you stay hold back from me!

Isaiah 59:17

Fo make ready fo fight, Da One In Charge put on his body armor. Az how come nobody can hurt him. Dat mean, he stay do da right ting erytime. He put on his helmet. Dat mean, he know how Fo get his peopo outa trouble. Da shirt he put ova da body armor, Az jalike fo show da bad guys How he goin pay um back Fo eryting dey wen do. Da fancy kine robe he wear, Az jalike fo show Dat he goin go all out fo do all dis.

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Zekariah 8:1

One mo time Da One In Charge, da God Ova All Da Armies, talk to me, Zekariah.

1 Records 12:19

Befo time, wen David like go wit da Filisha guys fo fight Saul, some a da Manasseh guys change to David side. (But David an his guys neva help da Filisha guys fo real, cuz afta da Filisha guys talk bout him going wit dem, dea main leadas sen David away. Dey tell each odda, “Goin be us guys dat mahke if David change his mind an go back by his boss, Saul, from befo time.”)