Zekariah 3:8 - Hawaii Pidgin Bible

⁸ “ ‘Eh Joshua! Lissen up. You da Main Pries Guy! Yoa helpa guys dat stay sit down in front you, dey jalike signs bout da good kine tings dat goin happen bumbye. An bumbye I goin bring my worka guy hea too. He jalike da New Branch dat come out from da Root.

Zekariah 3:8 Referans Kwoze

Jeremiah 23:5

Da One In Charge tell: “An you know wat?! Da time goin come bumbye Wen I goin do dis fo King David: I goin make one guy from King David blood line Come da king. Jalike King David da Root An dis guy da New Branch dat come out from him, One guy dat goin do wass right erytime. He goin be da kine king dat know how come stuff happen. He goin keep all da rules An do wass right inside da land.

Isaiah 11:1

Somebody goin come from da Jesse ohana Jalike one new branch come out from one tree stump.

Zekariah 6:12

“Tell him, dis wat me, Da One In Charge, Da God Ova All Da Armies, tell: ‘Hea one guy. His name, Da New Branch. He goin sprout up from da place he stay, jalike one branch sprout up from da root. He da one goin build my temple fo me, Da One In Charge.

Jeremiah 33:15

“Dat time, I goin make one guy from da King David blood line come up, One guy dat stay do wass right erytime, Jalike one new branch come out from one tree. He goin make shua get good judge guys Dat stay do wass right inside da land.

Isaiah 53:2

Da guy dat work fo Da One In Charge, He wen grow up in front Da One In Charge, Jalike one young plant grow from one root From da groun wea no mo watta. He not good looking, An he no look jalike one king. Us no see notting Fo make us like come his peopo.

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Isaiah 20:3

Laytas, Da One In Charge tell, “Wat my worka guy Isaiah wen do, go naked an barefeet fo three year, az jalike one sign fo blow da peopo mind bout wat goin happen to da Egypt peopo an da Sudan peopo.

Isaiah 4:2

Dat time, goin get one guy, Da One In Charge goin give him da right fo be king, Cuz he jalike one new branch Dat Da One In Charge make come out from da king ohana. Dat guy goin be real good looking an stay awesome. Erybody goin know bout da stuff dat grow on top da land, Dat goin come real awesome too, An da Israel peopo dat still yet stay alive dat time Goin feel real good inside bout all dat, An all da odda peopo goin get respeck fo dem.

Ezekiel 12:11

Tell um, “Me, I da sign fo show you guys wat goin happen. Wat I wen do, same ting goin happen to you guys. You goin come prisonas an go far away.” ’

Isaiah 53:11

Afta da guy dat work fo Da One In Charge Work real hard an suffa plenny, He goin see wat happen cuz a all dat, An he goin feel good inside. Da One In Charge tell, “Cuz my worka guy know wat he stay do, An cuz he do da right ting erytime, He goin make plenny peopo Get um right wit me. Az cuz he da one take da blame Fo all da bad kine stuff dose peopo do.

Isaiah 52:13

Da One In Charge tell: “Look! My worka guy, He do wat he suppose to do. He do one good job cuz he know wat he stay do. Peopo goin know he importan. Dey all goin know who him, An show him plenny respeck.

Isaiah 49:5

So, now Da One In Charge tell me bout dis— (He da One wen make me inside my muddah, Fo me work fo him. Da One In Charge like fo me bring back Da Jacob ohana an all da Israel ohanas Fo come his guys one mo time. Da One In Charge get respeck fo me. He my God, da One make me strong.)

Isaiah 8:18

Look—I stay right hea wit da kids Da One In Charge wen give me. We jalike awesome kine signs inside Israel. Even oua names show Wat Da One In Charge, Da God Ova All Da Armies, goin do bumbye. He da One stay on top Mount Zion inside Jerusalem.

Luke 1:78

Oua God give chance cuz he get one big heart. Dass why one new day goin come up fo us guys from God in da sky.

Ezekiel 37:24

“My worka guy David goin be da king ova dem. Dat mean ony goin get da one sheep guy fo take kea all dem. Dey goin live da way I tell um wass right an wass wrong, an make shua dey do wat I tell um dey gotta do.

Ezekiel 34:29

I goin give dem one place fo farm dat get good rep cuz plenny food grow dea. Dey no goin suffa one mo time inside dat land cuz no mo food. Da odda nations no goin talk bad to dem no moa.

Ezekiel 24:24

You guys goin come jalike Ezekiel wen come. You gotta make jalike him. Wen dis happen, you goin know dass me Da One In Charge, da Boss, wen do all dat.”

Isaiah 49:3

Da One In Charge wen tell me, “You, da guy dat work fo me, Da Israel guy dass fo real. From da tings you goin do, I goin show erybody how awesome I stay.”

Songs 71:7

Plenny peopo watch me, Fo dem do wat I do. Cuz you strong, An you no let nobody hurt me.

Ezekiel 12:6

Wen dey stay watch you, put yoa stuffs on top yoa shoulda, an carry um out wen come real dark. Cova yoa face fo no see da land, cuz I stay make you come jalike one sign fo da Israel peopo.”