Zekariah 2:5 - Hawaii Pidgin Bible

⁵ But me, I da One goin be jalike one fire all aroun da town, jalike one wall! Wen I stay inside da town, goin be awesome!’ ” Dass wat Da One In Charge tell.

Zekariah 2:5 Referans Kwoze

Isaiah 4:5

Da One In Charge goin make one cloud Ova da Temple on top Mount Zion An ova erybody dat stay come togedda dea Fo show him respeck wen he tell um fo come by him. Day time, goin get one cloud wit smoke ova dem, Nite time, goin get one real bright fire ova dem. Ova all dis awesome stuff goin get one cova, Jalike one tent ova erybody.

Songs 3:3

Eh! You Da One In Charge! You, jalike one shield aroun me, Dat no let me get hurt. You da one dat make me come awesome You put me back on top my throne.

Zekariah 9:8

But I goin guard my Temple Agains da army guys dat come by dea. I no goin eva let anodda army give my peopo hard time, Cuz I da one stay watch fo take kea dem.”

Jesus Show 21:23

Da town no need da sun o da moon fo shine on top um, cuz God stay awesome, an God light shine on top um, an God Bebe Sheep Guy jalike da lamp.

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Songs 48:3

God stay inside da strong buildings Dat stay dea. He make shua da peopo ova dea know Dat notting goin hurt dem, Cuz he jalike one strong building Fo dem too.

Isaiah 33:21

Right dea inside Jerusalem town, Da One In Charge goin be da One dat stay awesome Da way he goin help us guys. He goin make Jerusalem strong, Jalike some big towns Dat get wide rivas an streams aroun um Too strong even fo awesome navy kine boats Go inside an go across fo attack.

Luke 2:32

He jalike one light Fo make yoa peopo come awesome, Da Israel peopo, An fo show all da odda peopos Inside da world Wat stay right.”

Songs 48:12

Go walk all da way aroun Zion town, Count how much watch towas get dea.

Songs 46:5

God, he stay right dea In da middo a da town. Az why no mo notting Can wipe out da peopo dea. God goin help dem, Even wen come early morning time.

Songs 85:9

Fo shua, da peopo Dat show God plenny respeck, He goin get dem outa trouble real quick kine. Den, all ova oua land, Goin come awesome.

Songs 125:2

Jalike Jerusalem town Get mountains all aroun Fo nobody attack, Da One In Charge no let nobody Attack his peopo, Now, an foeva.

Isaiah 31:9

Da big rock wea da Assyria guys like hide, Dey goin run pass um Cuz dey plenny sked. Wen dea officer guys see Da One In Charge flag fo war, Dey goin come sked an lose fight.” Dis word come strait from Da One In Charge: Wea can see da light from his fire Inside da Temple on top Mount Zion. Can see wea he burn up his rubbish Inside Jerusalem town.

Isaiah 32:18

My peopo goin stay inside places Wea eryting come good fo dem. Dey goin live inside places Wea dey can stay shua notting bad goin happen, Places wea dey goin res An no need worry bout notting.

Ezekiel 38:14

“Eh! Fo Real Kine Guy! Az why you gotta talk fo me agains Gog. Tell um dis: Dis wat me, Da One In Charge, da Boss, tell: Da time wen my peopo live inside da land an stay safe, fo shua you Gog goin know dat an get ready fo march!

Ezekiel 42:20

Dass how he use da stick fo measure da sides dat face da four winds. Get one wall aroun da Temple dass eight hundred seventy-five feet square. Da wall stay dea fo make shua dat da part dat stay spesho fo God stay diffren den all da odda places.

Zekariah 2:10

Da One In Charge tell, “Yell an stay good inside, my Zion peopo. Cuz I stay come, an I goin live wit you guys.” Dass da message from Da One In Charge.

Zekariah 2:11

“Dat time, plenny nations goin come tight wit me, Da One In Charge. Dey goin come my peopo. I goin live wit you guys.” An you guys goin know dat Da One In Charge, Da God Ova All Da Armies, he da One wen sen me, Zekariah, by you guys.

Zekariah 9:14

Den Da One In Charge goin show up ova his peopo. His arrow goin go out jalike lightning. Da Boss, Da One In Charge, Goin blow da sheep horn trumpet. He goin attack jalike he stay riding On top da storms from da south side.

Jeremiah 31:39

Dey goin measure da west side wall from ova dea, strait ova da Gareb Hill, den turn east an go to Goah.

Ezekiel 47:3

Den da guy go east wit one line fo measure inside his hand. He measure one tousan seven hundred an fifty feet moa. Ova dea he take me thru da ankle high watta.

Zekariah 1:16

“Az why, dis wat Da One In Charge, Da God Ova All Da Armies, tell, ‘Now I goin go back Jerusalem side an show pity fo da peopo dea. Dey goin build my house ova dea one mo time. An da construction guys goin start fo build up Jerusalem one mo time.’