Zekariah 2:1 - Hawaii Pidgin Bible

¹ Den I look up, an dea in front me get one guy dat hold one string fo measure inside his hand.

Zekariah 2:1 Referans Kwoze

Ezekiel 40:3

He take me to dat big town an I see one guy ova dea dat shine jalike bronze metal. He stay stan inside da place wea da gate stay. He get one linen rope an one stick fo measure stuff inside his hand.

Zekariah 1:16

“Az why, dis wat Da One In Charge, Da God Ova All Da Armies, tell, ‘Now I goin go back Jerusalem side an show pity fo da peopo dea. Dey goin build my house ova dea one mo time. An da construction guys goin start fo build up Jerusalem one mo time.’

Jesus Show 21:15

Da angel guy dat talk wit me get one gold kine stick fo measure how long an wide da town, da gate, an da wall.

Jesus Show 11:1

Den, jalike one dream, somebody give me one bamboo, jalike one stick fo measure. An dey tell me, “Go. Measure God temple an da altar, an count how plenny peopo get dea dat show God love an respeck.

Ezekiel 47:4

Den he measure one tousan seven hundred an fifty feet moa, an take me thru da watta dat now come up to my knees. Den he measure one tousan seven hundred an fifty feet moa, an take me thru watta dat come up to my wais.

Ezekiel 40:5

I see one wall dat go all da way aroun outside da open lanai fo da temple. Da guy measure da wall wit da ten an one half feet long stick. Da wall ten an one half feet thick an ten an one half feet high.

Zekariah 1:18

Den I look up. An dea in front me get four animal horns.

Jeremiah 31:39

Dey goin measure da west side wall from ova dea, strait ova da Gareb Hill, den turn east an go to Goah.

Ezekiel 47:3

Den da guy go east wit one line fo measure inside his hand. He measure one tousan seven hundred an fifty feet moa. Ova dea he take me thru da ankle high watta.

Isaiah 54:16

“Tink bout dis! I da One wen make da guy Dat work wit da iron, An fan da coals fo make fire, An make tings peopo use fo fight. An I da One make da army guys Dat wipe out da peopo.

Jeremiah 48:25

Us Moab peopo, not strong no moa! Us no mo powa fo fight!’ ” Az wat Da One In Charge tell.

Daniel 7:7

“Afta dat, same nite, get mo stuff I see in da dream. Get anodda wild animal, numba four. He look real skery an get plenny powa. He get big iron teets. He stay smash wateva he like, an eat um, an smash wateva stay lef ova wit his feets. Dis one look real diffren den da odda wild animals dat come befo him cuz he get ten horn.