Zekariah 13:4 - Hawaii Pidgin Bible

⁴ “Dat time, all dem dat talk fo da odda gods goin come shame fo tell dea dreams. Dey no goin put on da kine clotheses dat da guys dat talk fo da odda gods make from animal kine hair, fo bulai da peopo.

Zekariah 13:4 Referans Kwoze

Matthew 3:4

An you know, John, his clothes come from da camel hair. He make one rope outa ledda fo one belt. He eat grasshoppa, an he get honey from da bees.

Isaiah 20:2

Dat time, Da One In Charge wen tell me, Isaiah, Amoz boy, fo talk fo him. He tell me, “Hemo da burmbag cloth from yoa body, an take off da slippa from yoa feets.” So I do dat. I take um off an go naked an barefeet.

2 Kings 1:8

Dey tell, “One guy wit plenny hair, wit one ledda belt aroun his middo.” Da king tell, “Az Elijah from Tishbe!”

Jesus Show 11:3

“Goin get two guys. I goin give dem da powa fo talk fo me fo all dat time. Dey goin put on burmbag kine clotheses fo show dat dey stay cry inside.”

Mark 1:6

You know, John clotheses come from da camel hair, an he make one rope outa ledda fo one belt. He eat grasshoppas, an he get honey from da bees.

Jeremiah 6:15

You tink dey come shame fo da pilau kine stuff dey do?! No way! Dey no mo shame! Dey no even know how fo ack jalike dey shame. Az why dey goin get kill same time da odda peopo get kill. Dey goin fall down wen I punish dem.” Az wat Da One In Charge tell.

Jeremiah 2:26

“Jalike one steala guy come shame wen da security guys catch um, Az how da Israel ohana come shame— Dem, dea king guys, an dea leadas, Dea pries guys, an dea guys dat suppose to talk fo God.

Hebrews 11:37

Dey throw rocks fo kill um. Dey kill um wit da saw an half half dea bodies. Dey kill oddas wit swords too. Dem guys gotta go live any kine place an dey ony get sheep skin o goat skin fo wear. Dey no mo notting. Peopo make any kine to dem an give um plenny presha.

Jeremiah 8:9

Dese peopo dat tink dey know wat fo do erytime, Dey goin come shame. Dey goin come sked Jalike dey fall down inside one trap. Az cuz dey tell “Laytas” to wat Da One In Charge tell. So den, how come you guys tink Dey mo smart fo real? Dey know wat fo do erytime, o wat?!