Zekariah 13:2 - Hawaii Pidgin Bible

² Da One In Charge, Da God Ova All Da Armies, tell: “Dat time, I no goin let nobody use da names fo all da idol kine gods from da land. Nobody goin rememba dose gods no moa. I goin throw out da peopo dat talk fo dose gods, an da pilau kine spirit dat peopo inside dis land get.

Zekariah 13:2 Referans Kwoze

1 Kings 22:22

“Da spirit tell, ‘I goin go ova dea an be one spirit dat make all da guys dat talk fo his gods bulai him wen dey talk.’ “Da One In Charge tell, ‘Good idea! You goin bulai all dem! Go, do jalike you tell!’

Hosea 2:17

I goin take away da names fo da Baal gods from her mout. She no goin talk bout dem no moa.

Outa Egypt 23:13

Make shua you do eryting I stay tell you guys fo do. No even talk bout da odda gods. No even use dea name notting!

Ezekiel 36:25

“Jalike I goin splash clean watta on top you guys an you guys goin come real clean inside. I goin make you guys come real clean from all da pilau kine stuff you guys wen do an from yoa idol kine gods.

Ezekiel 30:13

“ ‘Dis wat me Da One In Charge, da Boss, tell: I goin bus up da idol kine gods, an da no good statues dey pray to inside Memphis town. No goin get one prince ova da Egypt land no moa. I goin make erybody inside da land come sked.

Jesus Show 19:20

But da Guy on top da horse win agains da Wild Animal, an agains da guy dat tell he talk fo God but he bulai. Da Bulaia Guy do all kine awesome stuff fo show dat da Wild Animal get powa. Az how he bulai all da peopo dat get da Wild Animal mark on top dea forehead, an dat go down an pray to his statue. Den da Guy dat stay ride da horse throw da Wild Animal an da Bulaia Guy inside da lava lake dat stay burn wit sulfur.

Luke 11:20

But if I make da bad kine spirits no bodda da peopo no moa cuz I get powa from God, dat show dat God stay da king, an he stay hea now by you guys, an you guys neva know.

Matthew 12:43

“Wen one bad kine spirit no bodda one guy no moa, dat spirit go all ova da boonies fo find one place fo res, but da spirit no can find notting.

Zefaniah 2:11

Da One In Charge goin make awesome an unreal kine to dem, Wen he make all da gods all ova da world come weak. Den even da peopos dat live on top da far islans, Goin show Da One In Charge love an respeck inside dea land.

Micah 2:11

If one guy come bulai you guys an tell, ‘I goin tell you guys wat God tell me— You guys goin get plenny wine an beer.’ Dat bulaia kine guy goin be da kine talka guy dat you guys like!”

Ezekiel 37:23

Dey no goin come pilau no mo wit dea idol kine gods, o wit da pilau kine statues dey make, o wit all da ways dey go agains me. Az cuz I goin get um outa all da bad kine stuff dey wen do wen dey wen bag from me. I goin make dem come clean inside. Den dey goin come my peopo fo real kine an I goin come dea God.

Ezekiel 14:9

An maybe da guy dat tell he talk fo me tink he gotta tell someting, dat mean was me, Da One In Charge, dat bulai da talka guy. I goin grab da guy dat tell he talk fo me an wipe him out from my Israel peopo.

Ezekiel 13:23

Cuz a all dat kine stuff, you guys no goin see da dreams dat no mean notting, o make ceremony fo find out stuff. I goin rescue my peopo away from yoa powa. Den you guys goin know dat me Da One In Charge.’ ”

Jeremiah 29:23

Az cuz dey wen ack stupid an broke da rules from God inside Israel. Dey fool aroun wit odda guys wifes. Dey use my name an tell dey talk fo me, but dey bulai—no was me tell dem fo say wateva dey tell. I know wat dey wen do an I can tell wat I wen see.” Az wat Da One In Charge tell.

Isaiah 2:20

Dat time, da idol kine gods Dat da peopo wen make from silva an gold Fo go down an show um respeck, Dey goin throw um all away To da bats an da rats.

Isaiah 2:18

Da idol kine gods, God goin broke um down.

Songs 16:4

But now, fo da peopo dat like hang out wit dose gods, Dey goin suffa mo an mo plenny! No way I goin go wit dem fo make one sacrifice An pour blood on top da groun fo dose gods, I no even goin tell da names A da gods dey stay tight wit.

Joshua 23:7

No make frenz wit da peopos dat stay hea still yet. No talk bout dea gods, an no use dea god names fo make one strong promise. No go work fo dose gods o go down in front dem.

Rules Secon Time 12:3

Broke down dea altars fo dea idol kine gods, smash da stones dat stay kapu fo dem, an burn up dea kapu Asherah poses wit fire. Cut down da idols dat look jalike dea gods. Broke down eryting bout dea gods, so nobody even rememba dea names in da places wea da gods stay befo time.

Outa Egypt 22:13

If da wild animals wen kill um, da guy dat keep um gotta bring in da skin an bones fo show da owna. Den he no need pay fo one animal dat da wild animals wen kill.

Jesus Show 18:2

Da angel tell wit one loud voice, “Babylon wen get wipe out! Dat big town pau awready! Now inside dea ony get bad kine spirits, An all kine pilau scavenja birds stay hide dea too!

Matthew 7:15

“Watch out fo da guys dat tell dey talk fo God an teach stuff dass not true. Dey ony bulaias. Dey come by you guys an ack all good kine, but fo real kine, inside dey like eat you up, jalike dey wild dogs dat try fo look jalike dey sheeps.

Hosea 14:8

“Eh! You Israel peopo! Tell ‘Laytas’ to da idol kine gods! I da One goin lissen wen you guys pray, An take kea you guys. I jalike one green pine tree dat make shade fo you guys. An all da good tings dat happen to you guys, stay come from me!”

Ezekiel 6:6

Wea eva you guys live, I goin wase da towns, an wipe out da sacrifice places. Cuz a dat, yoa altars goin come wasted. I goin smash yoa idol kine gods, an broke yoa incense altars, an wipe out da stuff you guys wen make.

Ezekiel 12:24

Cuz no goin get bulaia kine dreams no moa. An wen da Israel peopo like fo find out from da odda gods wat goin happen, an dey like get da kine stuff dat peopo like hear, all dat no goin happen no moa.

Ezekiel 36:29

I goin get you guys outa all da bad kine stuff you guys do. I goin bring plenny wheat an barley by you guys, so you no goin be wit no mo food no moa.

Rules Secon Time 18:20

But any odda guy dat tell he stay talk fo me, but tell dem stuff dat I neva tell him fo tell, o any guy dat talk fo odda gods, you guys gotta kill dem.”

Ezekiel 43:7

He tell, “Eh! Fo Real Kine Guy! Dis da place fo my throne, da place wea I goin res my feets. Dis wea I goin live wit da Israel peopo foeva. Da Israel ohana no goin give me one bad rep no mo cuz I stay good an spesho. Dose peopo an dea kings no goin make lidat no mo too. Dey no goin fool aroun no mo wit da idol kine gods dat no stay alive. An dey no goin go down in front da idol kine gods by dea sacrifice places on top da hills no moa.

Hosea 2:19

I goin make you my wife foeva. I goin do eryting da right way, jalike da judge tell. I goin stay tight wit you, an show love an pity fo you.