Zekariah 11:3 - Hawaii Pidgin Bible

³ Lissen, da sheep guys stay cry loud, Cuz dea green fields stay wipe out. Lissen da big noise da young lions make, Cuz da thick jungle by da Jordan Riva stay all jam up!

Zekariah 11:3 Referans Kwoze

Jeremiah 50:44

Wen dat odda army come, goin be Jalike wen one lion come up From da bushes nea da Jordan Riva, An go one place wea get plenny grass an plenny sheeps. I goin chase da Babylon peopo outa dea land real quick. Who da guy I wen pick fo give um dat kuleana? Who da same jalike me? Who can tell me wat fo do? Da sheep guy no can handle dis lion, An dis lion, az me!

Jesus Guys 7:52

Yoa ancesta guys erytime make da guys dat talk fo God suffa. Yoa ancesta guys even wen kill da guys dat tell dat da Spesho Guy God Wen Pick goin come, da one dat erytime do da right ting. An den, you guys set um up an kill um!

Matthew 15:14

Laytas wit dem awready! Dey jalike one blind guy stay go aroun, an show anodda blind guy wea fo go. Bumbye da two blind guys goin fall down inside one puka.”

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.

Zefaniah 3:11

Dat time, you guys no goin get shame, Fo all da wrong kine stuff you guys wen do agains me! Cuz den, I goin take away from Jerusalem town All da peopo dat feel good cuz dey get big head. You guys no goin ack high makamaka no moa, On top da hill dat stay spesho fo me.

Zefaniah 3:3

Dea leadas, dey jalike da lions dat make big noise. Da govmen guys, dey jalike da wild dogs dat hunt wen almos dark. Dey eat up eryting, So no mo notting dea, morning time.

Zefaniah 1:10

Da One In Charge tell, “Dat time, somebody goin yell fo help from da Fish Gate. Dey goin cry from da Secon Districk. Dey goin hear one loud crash from da hills.

Amos 8:8

So, wat? You tink da groun goin shake Cuz a all dat bad kine stuff? Fo shua, goin shake! You tink erybody dat live inside dat land Goin cry plenny? Fo shua, dey goin cry plenny. Da whole land goin move up an shake An den move back down Jalike da Nile Riva, Egypt side.”

Joel 1:13

You pries guys, put on burmbag clotheses Fo show you stay sad inside. Cry loud, you guys dat work in front da altar. Wear burmbag clotheses all nite, You guys dat work in front my God. Cuz no mo da wheat an barley sacrifices an da drink sacrifices, No mo notting fo bring inside da Temple Fo Yoa God.

Hosea 10:5

Da peopo dat live Samaria town stay bodda inside, Cuz maybe someting bad goin happen To da young cow idol kine gods in Bet-Aven town. Da Samaria peopo goin come sked, An dea pries guys fo da idol kine gods, Dey all goin stay sad bout da calf statue too. Befo time dey wen stay good inside, Cuz da idol stay awesome. But now odda peopo wen take da awesome idol one far place.

Jeremiah 49:19

“Me, Da One In Charge, I goin come Jalike one lion dat come outa da thick bushes by da Jordan Riva, An go by da fields wea da sheeps stay grind from long time. I goin chase da Edom peopo outa dea land real fas. Den I goin pick whoeva I like fo lead da Edom nation. You tink get somebody jalike me, o wat?! You tink get somebody can face me, o wat?! You tink get one leada guy dat can face me, o wat?! No ways!”

Jeremiah 26:6

den I goin make dis Temple come one uku pile a rocks jalike Shiloh town! I goin make dis Jerusalem town da kine place dat all da peopos on top da earth goin talk bad bout wen dey put kahuna on top somebody an tell, ‘I like you come all bus up, jalike Jerusalem town!’ ”

Jeremiah 7:4

Wen you guys hear ova an ova, “Dis hea, az da Temple Fo Da One In Charge, da Temple Fo Da One In Charge, da Temple Fo Da One In Charge!” Az not true, you know! No trus da tings peopo tell you guys. All dat no goin help you guys!

Jeremiah 2:30

I wen punish you guys kids, but ony wase time! Dey no come sorry bumbye. You guys wen kill yoa guys dat talk fo me, Jalike you one hungry lion an wipe dem out.”

Jeremiah 2:15

Da ones dat stay agains da Israel peopo, Dey make big noise wen dey go afta dem, Jalike da lion make noise wen he start fo hunt. Da ones dat stay agains da Israel peopo wase da land. Dey make dea towns come one junk pile, An no mo nobody live dea no moa.

Isaiah 65:15

Da Israel peopo I goin pick, Da ony time dey goin use you odda Israel guys name Goin be fo put kahuna on top somebody. But me, Da One In Charge, da Boss, I goin kill you odda Israel guys, An give one diffren name fo my worka guys.

Songs 22:21

No let dose guys dat ack jalike lions, Rip into me! No let dose guys dat ack jalike one wild bull Kill me wit dea horns!

Isaiah 5:29

Da army guys make big noise jalike da wahine lion. Dey grab eryting, Jalike da lion make noise wen he grab one animal An carry um away An no mo nobody can bring dem back.

Zekariah 11:2

Cry loud, you cypress trees, Cuz da cedar trees wen fall down! Da tall an awesome trees stay all bus up. Cry loud, you oak trees inside Bashan, Cuz all da fores stay cut down!

Ezekiel 19:2

Tell dis: “ ‘Wat kine muddah you Judah guys get?! Yoa muddah, jalike one lion wahine, Dat live wit da odda lions. She take kea her bebes till dey grow up.