Biblia Todo Logo
Bib sou entènèt

- Piblisite -




Zekariah 10:9 - Hawaii Pidgin Bible

9 No matta I wen scatta dem wea da odda peopos stay, Still yet dey no goin foget me from da lands far away. Dem an dea kids goin stay alive, An dey goin come back.

Gade chapit la Kopi




Zekariah 10:9
24 Referans Kwoze  

Den inside da nations wea da army guys wen bring dem, an wea dey stay prisonas, dey goin tink bout me. Dey no goin foget how I was sore inside wen dey wen fool aroun an go away from me. An dey no goin foget how dey wen turn to da idol kine gods an like stay tight wit dem. An den dey goin hate how dey stay cuz a all da bad kine stuff dey wen do an cuz dey wen ack pilau kine.


All da peopo from da Jacob ohana Dat stay alive still yet, Dey goin live togedda wit plenny diffren peopos. Dey goin be jalike dew from Da One In Charge, An rain on top da grass. Cuz nobody can hold back da dew, An da rain come from Da One In Charge, Not from peopo!


I goin plant da Israel peopo inside da land fo be my peopo. I goin show love an pity fo da ones I wen call um Lo-Ruhamah, dat mean ‘nobody pity dem.’ An fo da ones dat I wen call um Lo-Ammi, dat mean ‘dey not my peopo,’ But I goin tell um, ‘Now you my peopo!’ An dey goin tell, ‘You oua God.’ ”


Da One In Charge tell: “Da time goin come wen da Israel an Judah land goin get plenny peopo an animals, jalike I wen throw seed all ova da place.


Dey no goin bus ass fo notting. Dey no goin born kids an bad kine stuff happen to da kids. Cuz me, Da One In Charge, I do plenny good kine stuff fo da peopo An fo dea kids an all da oddas dat goin come from dem.


I goin make da Jacob ohana get mo plenny kids. I goin make one guy from da Judah ohana Own my mountains, Cuz he wen get um from his ancesta guys. Da peopo I pick goin own da mountains Dat come from dea ancesta guys. My worka guys goin go dea Fo live.


Inside ery districk an big town, wea eva da rule dat da king tell wen come, all da Jews stay real good inside. Dey make big party an hoolaulea. An plenny odda peopo come Jews, cuz now dey real sked a da Jews.


But if you guys come back an change how you ack, be my guys, an stay do all da tings I tell you gotta do, den I goin bring you guys back. I goin bring you guys togedda ova dea, da place I wen pick fo show wat kine god me fo you guys show respeck fo me. No matta you guys stay far place all ova da world, I goin bring you guys back!’


You guys dat wen run away from da army guys wit swords, Get outa hea! No jus stan dea! No foget Da One In Charge even wen you stay one far place, An tink plenny bout Jerusalem town!”


Da One In Charge tell dis too: “You know wat I goin do? I da one dat goin tell ‘Make da peopo dat stay agains you Israel guys Throw you outa yoa land An make you go diffren countries fo live dea!’ Goin be jalike wen somebody shake one straina An all da small rocks stay inside da straina, But da good stuff fall down to da groun.


You know, you peopo dass not Jew, you jalike one branch dat wen get hemo from one olive tree dat grow wild outside da farm. God wen graf you in da good olive tree, no matta dass not da tree wea you wen grow up firs time. Mo betta still yet fo da Jew guys, God goin graf um back in da same tree wea dey wen grow up da firs time.


Jesus guys dat go all ova teach wat God tell inside all da place dey go.


Da guy Saul stay dea, an he tink dass good dey kill Stephen. Dat same day Saul guys start fo make all da peopo suffa plenny dat come togedda fo church Jerusalem side. So all da peopo dat trus da Good Stuff From God scatta all ova Judea an Samaria. But da twelve guys Jesus wen sen all ova no go way yet.


“So den, you Jacob ohana peopo, No foget all dis stuff! Cuz you guys work fo me, You Israel peopo. I wen make you guys Fo work fo me. You Israel peopo, I no goin foget you guys.


From da time eryting start, Nobody eva hear o see Some odda god dat do awesome stuff Fo da peopo dat stay wait fo him. You da ony God can make lidat.


Swiv nou:

Piblisite


Piblisite