Zekariah 1:12 - Hawaii Pidgin Bible12 Den da firs angel guy from Da One In Charge dat I talk to pray lidis: “You Da One In Charge, Da God Ova All Da Armies. Seventy year awready you stay real huhu wit da Jerusalem peopo. So, how long you no goin show pity fo dem, an fo da peopo inside da odda Judah towns?” Gade chapit la |
All dat time, da ting happen dat Da One In Charge wen tell goin happen. Az jalike wat Jeremiah tell da peopo wen he wen talk fo God. He tell dat da Judah land gotta pay off Da One In Charge, fo all da times dat da peopo suppose to let da land res ery seven year an no plant notting. Az why fo seventy year, nobody can plant stuff dea, cuz eryting stay all bus up. Az jalike da Judah land get one big Res Day!
Dis wat Da One In Charge tell: “I goin make tings come good one mo time fo da peopo dat come from Jacob. I goin show love an pity fo dem wea eva dey live. Dey goin build Jerusalem town one mo time On top wea da bus up town was befo time. Dey goin build da palace one mo time dat get strong wall, An put um wea suppose to stay.