Titus 1:7 - Hawaii Pidgin Bible

⁷ Da main leada guy, he suppose to be one guy nobody can poin finga him cuz he erytime do wass good. He betta not live jalike da kine guys dat get hard head an no lissen da odda guy. Dose guys, dey get mad fas, dey drink too much, dey like beef erytime, dey no shame fo do any kine fo make money.

Titus 1:7 Referans Kwoze

2 Peter 2:10

An da peopo dat ony like do all da pilau kine tings dea body like do, God know how fo make dem suffa even moa. Dey like talk bad bout erybody dat get da right fo tell um wat dey gotta do. Da teacha guys dat bulai, dey get big head an no shame how dey ack. Dey no mo respeck, an dey no sked fo talk bad bout God an his awesome kine peopo inside da sky.

Efesus 5:18

No get piloot cuz den you goin go wild an make shame. But let God Spirit take charge a you.

1 Peter 5:2

You guys jalike sheep guys dat take kea dea sheeps. So take kea da peopo God wen give you guys. Do wat stay good fo dem, not cuz you gotta do um, but cuz you like do um. Do um da way God like. No do um fo money, cuz dat make you come shame, but go all out fo help God peopo.

1 Peter 4:10

Erybody get one gif dat God wen give um fo use fo help each odda. We gotta use um good cuz God stay give us all kine good stuff.

Luke 12:42

Den Jesus Da One In Charge tell, “If get one luna guy dat smart an his boss trus him, dass da guy his boss goin put um in charge a da odda worka guys, fo give um dea food da right time.

Ezekiel 44:21

Da pries guys betta not drink wine befo dey go inside da inside open lanai.

Isaiah 28:7

But nowdays, even dose guys Fall down cuz dey drink too much wine An no can walk good cuz a da beer! Even da pries guys an da guys dat talk fo God, Dey fall down cuz a da beer An no can figga right cuz a da wine. Wen God like show um someting jalike one dream, Dey no undastan um an dey tell um az wrong Wen dey gotta judge wass right an wass wrong, Dey no can do um, cuz dey stay jam up.

Smart Guys 14:17

Da hot head kine peopo, Dey do stupid stuff. An da peopo dat make sly kine plan, Erybody hate dem.

Smart Guys 15:18

Da kine guy dat stay huhu all da time, He ony like make erybody argue wit each odda. Wen no mo notting bodda one guy, He make erybody come so notting bodda dem.

Titus 2:3

Same ting wit da older wahines. Teach dem fo ack da way da peopo dat stay spesho fo God suppose to ack. Tell um, “No talk bad behind anodda guy back, an no love da booze too much fo you drink all da time an no can stop.” Tell um no make lidat, but tell um fo teach ony da good kine tings.

Titus 1:5

You rememba da time I wen go way from you. I wen tell you, “Eh Titus! stay right hea, Crete Islan. An da stuff dat still not right, make shua come out right. Go ery town, an pick some older guys fo come da leadas fo da church peopo ova dea, jalike I wen tell you fo do befo time.”

Philippi 1:1

Dis letta from Paul an Timoty. Us guys work fo da Spesho Guy God Wen Sen, Jesus Christ. An we write to all you peopo Philippi side dat stay all out fo God cuz you guys stay tight wit Jesus Christ. Dis letta fo erybody, da main leada guys an da helpa guys, an all oua odda braddahs an sistahs.

Matthew 24:45

“So den, good fo be jalike one worka guy dat da boss can trus. Az cuz dat kine guy figga plenny how fo do tings right. He da guy, da boss goin make him da luna in charge a his house an his ohana, fo him give erybody dea food wen da right time stay come.

Teacha 7:9

No come huhu fas, aah?! Cuz dass how da stupid guys stay inside.

Smart Guys 16:32

If you can stay so notting bodda you, Az mo betta den be one guy dat can fight good. If you can come so notting bodda you wen you stay mad, Az mo betta den take ova one big town.

Prieses 10:9

“You an yoa boys no can drink wine o beer kine stuff weneva you guys go inside da Tent Wea Da Peopo Come Fo Meet Me, Da One In Charge, o you goin mahke. Wat I tell you guys now, az how goin be fo da peopo dat stay alive now an fo dea kids foeva.

Start 49:6

Inside, goin bodda me plenny if I gotta lissen Wen dey make plan togedda fo do bad kine stuff. Wen dey come togedda, I no like stay wit dem, Cuz wen dey come huhu, dey kill peopo. Dey even tink az good fun hurt da cows fo notting.