Titus 1:15 - Hawaii Pidgin Bible

¹⁵ Da peopo dat no mo bad kine stuff inside, fo dem eryting good da way dey see um. But da peopo dat stay pilau inside an no trus God, eryting stay pilau da way dey see um. Mo worse, even da way dey tink stay all pilau, an dey no shame fo do bad kine stuff.

Titus 1:15 Referans Kwoze

Rome 14:14

I know dis fo shua, cuz I stay tight wit Da One In Charge, az Jesus: No mo notting dat somebody eat dat make peopo so dey no can pray. But if one guy tink someting he eat make um so he no can pray, den dat food come kapu fo him.

Rome 14:20

Eh, no go bus up da kine stuff God stay do fo oua braddahs an sistahs, jus cuz you like eat any kine food. Fo shua, God tell eryting stay okay fo eat, but den, if you go eat da kine food dat make hard fo somebody, az bad, you know, wen you do dat.

1 Corint 10:23

I get da right fo do all kine stuff, but eryting not good fo me. I get da right fo do all kine stuff, but dat no make me come mo strong inside.

Matthew 15:18

But wateva come outa da mout, come from inside. Dass wat make you pilau inside so you no can pray.

Rome 14:23

But if you no stay shua bout wat you can eat, but den still yet you go eat um, God goin tell you wen do someting wrong. Cuz you neva trus God wen you do um, az why. Wen you do someting an you no trus God, az wrong.

1 Corint 10:31

Eryting you guys do, eat, drink, wateva—do um all fo show how awesome God stay.

Jesus Guys 10:15

One mo time da voice tell, “No tell dat someting stay kapu dat God make okay fo eat!”

1 Corint 8:7

But you know, get peopo dat donno dat. Some peopo, dey still yet tink erytime bout da idol kine gods, jalike dey wen tink befo time. Dass why, erytime dey eat da meat dat da odda peopo wen use fo make sacrifice fo da idol kine gods, dey tink, “Eh, dis food was one sacrifice fo da idol kine god, you know!” Dey tink, “If I eat dis, az bad!” An dat make dem feel all pilau inside so dey no pray, cuz dey not strong inside.

Hebrews 10:22

Az why, us guys goin come tight wit God. Inside, we goin like do wass pono an go all out fo trus God. Cuz God know dat all da bad kine stuff inside us no mo awready. Dass jalike he wen sprinkle us guys clean inside, an wash oua bodies clean wit clean watta.

1 Corint 10:25

So den, go eat da meat dey sell inside da meat market, an no go tell, “Dis okay fo me eat, o wat?”

1 Timoty 6:5

Dey erytime make argue wit da kine guys dat get pilau kine mind. Dey donno wass true no moa. Dey ony like do stuff fo God if dey tink dat goin make um come rich.

Smart Guys 21:4

Watevas da bad kine peopo do, Az bad. Dey ack high makamaka, An tink dey can do wateva dey like do.

Haggai 2:13

Den Haggai tell, “Kay den. Wat if somebody stay pilau an no can go in front Da One In Charge cuz dey wen touch one mahke guy, an den dey touch one a dose food tings. You figga da ting dey touch goin come pilau, o wat?” Da pries guys tell, “Yeah. Goin come pilau.”

Hebrews 9:14

Kay den, da Good An Spesho Spirit dat stay aroun foeva wen help Christ bleed an mahke fo us guys. Christ wen give up his body to God fo make one sacrifice, jalike one pries give God one perfeck animal dat no mo notting wrong wit um fo make one sacrifice. So den, da kine sacrifice Christ wen make get way mo powa den da kine sacrifice from befo time. Az cuz Christ was da sacrifice, an he hemo da shame us guys get inside. Az why we no goin do da bad kine stuff dat cut us off from God no moa. An den we goin work fo God, da One dat stay alive fo real kine.

Smart Guys 30:12

Dey da kine peopo Dat tink no mo notting wrong wit dem. An inside, dey pilau. Dey no let nobody make um come clean inside.

Hebrews 12:15

Watch out fo each odda, how you live. No good if somebody tell “Laytas” to all da good kine stuff dat God like do fo us. Dass jalike wen get one bad kine plant dat shoot up an make all da odda plants come poho. Dat kine guy goin make plenny odda peopo come pilau inside.