Titus 1:11 - Hawaii Pidgin Bible

¹¹ Eh! Gotta stop um fo no talk lidat no moa. Cuz ery house dey go, dey jam up erybody dea wit da kine tings dey teach. Dey teach da kine tings dey not suppose to teach. An dey not even shame fo charge money fo teach lidat.

Titus 1:11 Referans Kwoze

2 Timoty 3:6

Some a dem, dey like make good frenz wit da peopo inside one house, cuz dey like bulai some a da wahines dea. Dey bulai dem an take um away from dea house. Dey go afta da kine wahines dat no stay strong inside cuz dey wen do choke plenny bad kine stuff, an dey ony like do wat dey like do.

1 Timoty 6:5

Dey erytime make argue wit da kine guys dat get pilau kine mind. Dey donno wass true no moa. Dey ony like do stuff fo God if dey tink dat goin make um come rich.

Rome 3:19

We know eryting wat da Rules From God tell, fo da peopo dat get da Rules ova dem. Dass why no can make excuse wit God. An bumbye erybody all ova da world gotta go in front God da Judge fo show dey all get da blame.

Titus 3:10

If somebody like make da church guys go agains each odda fo split up da church, tell him az wrong fo do dat. If he no stop, tell him one mo time. Den, if he still yet no stop, no lissen no mo to da guy.

Songs 63:11

Da King, he goin stay real good inside Cuz az how God stay. Erybody dat make one strong promise An tell God fo put kahuna on top dem If dey no do wat dey promise fo do, Dey goin tell dat God da bestes. But erybody dat stay bulai peopo, God goin shut um up.

Titus 1:9

He gotta stick wit da kine stuff us guys teach. Dass da kine stuff you can trus. Az why da stuff he teach da peopo goin make sense, an he goin give dem good kine words. Same time, da peopo dat no like da stuff he teach, he know how fo make dem see dat dey wrong.

Titus 1:7

Da main leada guy, he suppose to be one guy nobody can poin finga him cuz he erytime do wass good. He betta not live jalike da kine guys dat get hard head an no lissen da odda guy. Dose guys, dey get mad fas, dey drink too much, dey like beef erytime, dey no shame fo do any kine fo make money.

Micah 3:5

Dis wat Da One In Charge tell Da bulaia guys dat tell dey talk fo him: “You guys stay lead my peopo wrong way! Wen somebody give dem someting fo eat, Dey tell, ‘Eryting okay!’ But wit whoeva no give dem notting Dey start one war!

Songs 107:42

Wen da good kine peopo see dat happen, Dey stay good inside. But da bad kine peopo No can tell notting.

2 Corint 11:10

Wat Christ tell stay true, an I know fo shua wat I tell stay true too, cuz I stay tight wit Christ. An nobody ova dea Akaia side can tell me shut up an no talk big bout all dat stuff.

Luke 20:40

An nobody aks him fo mo stuff no moa.

Micah 3:11

Dea main guys take unda da table kine money Fo judge dat da guy dat pay um, he da one stay right. Dea pries guys teach da Rules from God, But ony if da peopo pay um too. Da guys dat tell dey talk fo God, Make da peopo pay fo tell dem wat goin happen. But same time dey talk bout how dey trus Da One In Charge, an tell: ‘Da One In Charge stay hea wit us guys. So no mo notting bad goin happen to us guys!’

Ezekiel 16:63

So den, I goin make right wat you wen do wrong fo make you pono wit me cuz a all da bad kine stuff you wen do. Den you no goin foget wat you wen do an come shame, an no open yoa mout no mo fo talk. Az wat me Da One In Charge, da Boss, tell.’ ”

Ezekiel 13:19

You guys make my peopo tink I one pilau kine god. Dey tink dey can make me do stuff if dey pay you guys two-three handful a barley an one small piece bread. Az why you wen kill da peopo dat not suppose to mahke, an you let da peopo stay alive dat not suppose to stay alive. Az how you guys bulai my peopo an dey lissen you.

Jeremiah 8:10

“Az why I goin give dea wifes to odda guys. An I goin give dea fields to odda guys dat like take ova um. From da mos importan guy to da mos small guy, All dem greedy fo get eryting fo ony dem. Even da guys dat suppose to talk fo me An da pries guys, dey all same same. All dem bulai.

John 10:12

“But if get one worka guy dey pay, den he not da sheep farma guy. He no own da sheeps. So wen he spock one wild wolf coming, he run away from da sheeps. Den da wolf grab da sheeps, an all da odda sheeps run all ova da place.

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.

1 Timoty 5:4

But if one widow get kids o grankids, da kids suppose to know how fo show respeck in front God fo da widows in dea ohana. Now da kids suppose to take kea dea muddah guys an dea granmuddah guys too, jalike how da muddah an granmuddah guys wen take kea dem small kid time. Dass how God like.

1 Timoty 5:13

Den dey come lazy. Dey go holoholo from one house to anodda. Dey lazy, an dey like talk stink bout erybody an dey niele bout odda peopo stuffs. Dey talk bout stuff dey not suppose to do.

2 Timoty 2:18

Dem guys wen go away from wass true. Dey tell, “Da mahke guys, dey wen come back alive awready.” Dey jam up some peopo, an den dose peopo no like trus God no moa.