Teacha 12:8 - Hawaii Pidgin Bible

⁸ Da Teacha tell, “No make sense! No mo notting make sense!”

Teacha 12:8 Referans Kwoze

Teacha 1:2

Da Teacha tell, “No make sense! No make sense! Fo shua eryting no make sense! No mo notting make sense!

Teacha 8:8

No mo nobody get da powa fo stop da wind. No mo nobody get da powa fo figga wen dey goin mahke. Jalike da leadas no goin let nobody go home wen get war. Same ting, da bad kine stuff peopo do, No goin get um outa trouble.

Teacha 6:12

So who know wass good fo peopo do all da time dey stay alive? Dey ony get short time fo live, jalike one shadow dat no stay long time, an dat no make sense. An who can tell dem wat goin happen unda da sun afta dey mahke?

Teacha 4:4

An I stay tink bout all da hard work an eryting dat peopo stay do. An how come dey do um? Fo shua, cuz one guy tink he do someting mo betta den some odda guy do um. Dat no make sense too. Dey chase afta da wind.

Teacha 2:17

Az why I tink, “Poho, dis life!” Cuz da stuff peopo do unda da sun, bodda me plenny! No mo notting make sense. Jalike us chase da wind!

Teacha 1:14

I wen see eryting da peopo do unda da sun. An you know wat?! Eryting hard fo undastan! Jalike erybody stay try catch da wind!

Songs 62:9

Da peopo dat not importan, Dey jalike da air. Da importan peopo, No can trus wat dey tell you. Wen dey breave, dat air mo heavy Den all dose peopo togedda.

Teacha 1:1

Dis wat da Teacha tell. His faddah, David, da king inside Jerusalem.

Teacha 1:12

Da king ova da Israel peopo inside Jerusalem, dass me, da Teacha.

Teacha 1:17

Den, I make up my mind fo undastan wat “fo know wat fo do erytime” mean, wat “fo ack pupule” mean, an wat “fo ack stupid kine” mean. But wen I find out wat all dat stuff mean, jalike I stay try fo catch da wind too.