Teacha 11:7 - Hawaii Pidgin Bible

⁷ Good, da light, you know. Peopo like see da light from da sun.

Teacha 11:7 Referans Kwoze

Teacha 7:11

Good fo know wat fo do erytime, Jalike az good get property from yoa faddah. Dat two tings make eryting come out mo betta fo da peopo dat live unda da sun.

Matthew 5:45

Wen you do dat, you goin show fo real kine dat you da kine kids dat come from yoa Faddah dat stay in da sky. He make da sun come up fo da bad guys an da good guys. An he sen rain fo da guys dat do da right tings, an fo da guys dat no do da right tings.

Smart Guys 15:30

How da eyes look wen you smile, Dat make peopo feel good inside. Wen you get someting good fo tell, Dat make peopo feel good inside too.

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Smart Guys 29:13

Da peopo dat no mo notting, An da peopo dat put presha on dem, Dey all same same, you know. Cuz Da One In Charge, him da One let dem live.

Job 33:30

He do um fo bring back da guy from da Deep Dark Hole. Fo him live fo real kine Jalike da light shine on top him.

Teacha 6:5

Da mahke bebe no see da sun eva, an donno notting. But he get mo res den da guy dat get eryting—

Songs 56:13

Cuz you wen help me fo me no mahke, So I no trip an fall down. Cuz a dat, God, ery place I go, You stay right dea, Jalike you da light Fo make me stay alive.

Job 33:28

God wen pay da price, So I no need go inside da Deep Dark Hole! An I goin stay alive fo see da light!’

Teacha 12:2

Befo da sun an da light from da moon an da stars look dark cuz you ol, An da dark rain clouds stay come back fas afta da rain pau.