Teacha 11:5 - Hawaii Pidgin Bible

⁵ You donno wea da wind goin blow. An you donno how one bebe grow inside da muddah. Same ting, you donno wat God stay do. He da One wen make eryting.

Teacha 11:5 Referans Kwoze

John 3:8

Da wind blow hea an dea. You can hear um, but you donno wea da wind come from o wea stay go. Dass jalike erybody dat born one mo time from God Spirit.”

Songs 92:5

Eh! Da One In Charge, All da kine tings you do Stay awesome to da max! An gotta tink plenny fo undastan All da tings you make plan fo do!

Teacha 8:17

Den I see eryting dat God do. No mo nobody can undastan eryting dat happen unda da sun. No matta peopo try hard fo undastan wat happen, no can. No matta one guy dat know wat fo do erytime tell dat he undastan um, he no can undastan um fo real kine.

Rome 11:33

Ho, God! He unreals smart! God, he know how fo use all his smarts! An he know eryting! No mo nobody undastan how he make up his mind! No mo nobody can figga out how come God do wat he do! Jalike da Bible tell befo time:

Isaiah 40:28

You guys neva know all dis, o wat?! You neva hear bout dis?! Da One In Charge, he da God dat stay foeva! He da One wen make Even da mos far places inside da whole world. He no goin come tired o wore out. Nobody can check out da way he undastan eryting!

Songs 104:24

Eh! You Da One In Charge! Get choke plenny tings you wen make! An eryting you make, You know wat you stay do! Da world stay full A da tings you wen make.

Teacha 7:24

Wateva dat mean fo know wat fo do erytime, Stay far away, an hard fo undastan. No mo nobody can find out wat dat mean!

Songs 40:5

Eh! You Da One In Charge! You my God, An you do plenny awesome kine stuff! You do awesome kine tings fo us guys! Da tings you plan fo do, Az good fo us guys! No mo nobody jalike you! I like tell peopo wat you do, But get uku plenny stuff fo tell, No can tell eryting!

Job 38:4

“Wea you wen stay wen I put da foundation fo da world? Tell me, if you undastan all dat!

Job 37:23

Da God Dat Get All Da Powa, us no can reach him. He real strong, an he judge da right way erytime. But he no put heavy presha on us guys.

Job 5:9

God do awesome kine stuff dat nobody can tink. He do unreal kine stuff, mo den can count.

Teacha 1:6

Da wind blow from one side, Den turn aroun an blow from da odda side, Ova an ova.

Teacha 1:13

I make up my mind fo study, an fo try see if da stuff work dat da peopo dat know wat fo do erytime tell. I do dis cuz I like figga out eryting peopo do unda da sky. God give erybody one real hard job fo do, az why!

Teacha 3:10

I see wat God give peopo fo do.

Teacha 3:11

He make eryting happen jalike suppose to happen, fo da time wen suppose to happen. He make peopo tink bout wat maybe goin happen bumbye, but dey no can undastan eryting dat God stay do from da start till da end.

Teacha 11:4

Whoeva watch da wind no goin plant notting. An whoeva look da clouds no goin harves notting.