Teacha 10:19 - Hawaii Pidgin Bible

¹⁹ Peopo cook food fo dem laugh, An wine make peopo stay good inside, da way dey live. An money take kea eryting!

Teacha 10:19 Referans Kwoze

Songs 104:15

Dey grow da grape fo da wine Dat make um feel good inside, An da olive fo da oil Dat make dea face look nice, An da wheat fo da bread Dat make um stay strong.

1 Peter 4:3

Befo time you guys had plenny time fo do any kine bad kine stuff, jalike da peopos dat donno God. Dey make any kine. Dey like fool aroun somebody dey no stay married to, dey get piloot, dey ack wild, dey ony like party too much. No matta dey not suppose to, dey go down an pray to da idol kine gods.

Luke 12:19

Den I goin tell, “Eh, fo shua I one lucky guy! I get plenny good stuffs store up fo long time. Az why I can take it easy, an eat an drink an party up!” ’

Isaiah 24:11

Da peopo stay yell on da street, Cuz no mo notting fo drink. Befo time dey dance an sing plenny, But all dat pau, Jalike wen da sun go down an eryting come dark. Eryting dat wen make da peopo dance an sing, Da army guys wen take um to dea country.

Songs 112:9

Da good kine peopo Stay give good kine stuff To da pooa peopo all ova da place. An cuz dey do da right ting erytime, Good tings goin happen to dem foeva. Peopo goin respeck dem, An cuz a dat, dey goin come Mo an mo strong.

Jesus Guys 11:29

Da peopo dat stay tight wit Jesus tink fo help da braddahs an sistahs dat stay Judea side. An erybody give um wat dey can give.

Jesus Guys 2:45

Some a dem sell dea stuffs o dea property, an share some a da money wit da ones dat need kokua.

Luke 16:9

“I tell you, you guys go use yoa dirty money fo make frenz. Den bumbye, wen da time come dat eryting come hamajang, God goin tell you guys ‘E komo mai, come inside!’ inside his place dat stay foeva.

Luke 8:3

An Joanna, Chuza wife, she go. (Chuza, he da guy dat stay in charge a King Herod palace.) An Susanna, an plenny odda wahines, dey all go too. Da wahines wen use dea money fo help take kea Jesus dem.

Matthew 19:21

Jesus tell um, “If you like come perfeck kine, go sell all da stuffs you get, an give da money to da peopo dat no mo notting. Den come wit me fo be my guy. An garans you goin get da real kine rich stuff in da sky.”

Matthew 17:27

But if us guys no pay um, da tax guys goin tink bad bout us guys. Az why, go by da lake, an drop one line inside da watta. Da firs fish you catch, open da mout. You goin find one silva coin inside. Take dat coin to da tax guys. Dat goin be enuff fo me an you.”

Isaiah 23:18

But dat time, wateva da Tyre peopo make from wat dey buy an sell, an from work, goin come spesho fo Da One In Charge, not fo ony dem. Wateva dey make, goin be fo plenny food an good clotheses fo da peopo dat stay tight wit Da One In Charge.

Nehemiah 5:8

Wen erybody come togedda, I tell um, “Us guys, we stay buy back oua Jew braddah guys dat befo time peopo wen sell to da odda peopos fo make um slaves. Nuff awready, fo us guys do dat. But now, some a you guys, you stay sell yoa braddahs! An den, we gotta buy dem back too! No ways!” Da rich guys, dey no tell notting cuz dey no mo notting fo tell.

Ezra 1:6

All da peopo dat live aroun dem help um plenny too. Dey give da Israel peopo plenny bowl an pot, da silva an gold kine, an stuff fo eat fo da trip, an animals. Dey give dem plenny nice gif, an money fo da Temple cuz dey all like help.

1 Records 21:24

But King David tell Ornan, “No way! I gotta pay da whole cost! I no goin lif up wat stay yoas, fo me give um to Da One In Charge an not you! I no goin make one burn up kine sacrifice wit someting dat no cost me notting!”

2 Samuel 13:28

At da party, Absalom tell his guys, “Watch Amnon! Wen he get piloot from da wine, I goin tell you guys wack um! Kill um! No sked! I da one wen tell you guys fo do dis. Come strong, jalike you army guys!”

1 Samuel 25:36

Wen Abigail come back by Nabal, she see he stay make one big party inside da house, jalike one king. He stay real good inside cuz he stay plenny piloot. So she no tell him notting bout wat wen happen till light start fo come morning time.

Local Leadas 9:13

“But da grape plant tell dem, ‘You tink I goin give up my wine, dat make da gods an da peopo same same come good inside, fo go wave my branches ova da odda trees?! Not even!’

Start 43:34

Joseph tell da worka guys fo take da braddah guys dea share food dass spesho from his table. But fo Benjamin, he tell um fo take plenny extra food fo him, five times mo den fo da odda braddah guys. An dey all drink togedda wit Joseph, till dey all piloot.

Teacha 9:7

So eat yoa food an stay good inside. Drink yoa wine wit one good heart. Cuz God awready stay good inside bout wat you do.

Teacha 2:3

I wen try fo feel good from suck um up da wine. I try find out wass goin happen if I do stupid kine stuff. (But same time, I make shua my head show me erytime wass da bestes ting fo do.) I like fo find out wass good fo da peopo do, cuz ony short time dey live hea unda da sky.

Local Leadas 14:10

Now, his faddah go down fo see da wahine. Samson make one big drinking party ova dea, jalike da grooms make.

Esther 1:10

On da day numba seven, King Xerxes stay litto bit drunk from da wine. He tell da seven palace guys dat work fo him wat dey gotta do. Az Mehuman, Bizta, Harbona, Bigta, Abagta, Zetar, an Carcas.