Start 9:27 - Hawaii Pidgin Bible

²⁷ I like God give da Jafet ohana all da land dat dey need! I like Jafet an his peopo live togedda wit da Shem ohana, But da Canaan ohana, dey goin come slaves fo da Jafet ohana!” (You know, “Jafet” soun kinda like how dey tell “give big place” Hebrew language.)

Start 9:27 Referans Kwoze

Rome 15:12

Isaiah wen tell dis inside da Bible too: “From Jesse boy King David, Goin get anodda Guy dass goin come bumbye. He goin come da leada fo all da diffren peopos. Dey know dat he goin come bumbye, An dat dey goin trus him cuz dey know who him.”

Rome 11:12

Fo shua, da Israel peopo wen do wat dey not suppose to do. An cuz a dat, dat mean, da odda peopo all ova da world can get all kine good tings from God. Da Israel peopo, dey lose eryting, an cuz a dat, all da peopo dass not Jew guys come jalike dey rich! Kay den—bumbye, all da Jew guys goin come pono wit God, an eryting goin come mo betta!

Efesus 3:13

Az why I stay tell you guys, no come bum out jus cuz I stay suffa plenny fo you guys. I do all dis fo peopo know how awesome you guys stay.

Efesus 3:6

Dis da secret plan: Da Good Stuff From God tell dat da peopo dass not Jew can come God kids too, jalike da Jew guys. Da peopo dass not Jew guys an da Jew guys goin come jalike one peopo. An dey all goin get all da good kine stuffs God wen promise his peopo. All dat stuff goin happen cuz dey stay tight wit Christ.

Efesus 2:19

So! You guys dat not born Jew, you guys was outside, but now no stay lidat. Now you guys stay spesho fo God too an you guys inside God ohana.

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Hosea 2:14

“Az why bumbye I goin make her like fo go wit me. I goin lead her back inside da boonies, An talk nice to her.

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Jesus Guys 17:14

Right den an dea da braddahs sen Paul da coast side, but Silas an Timoty stay inside Berea.

Start 9:28

Afta da big watta come, Noah live 350 year moa.

Start 10:2

Dis da ohana dat come from Jafet: Gomer, Magog, Madai, Javan, Tubal, Meshek, an Tiras.

Start 27:29

Plenny odda peopos goin work fo you, Odda nations goin go down in front you fo show respeck. Go come da boss fo all yoa braddah guys. Da odda boys yoa muddah wen born goin go down in front you fo show respeck. Da ones dat tell dey like bad tings happen to you, God goin make bad tings happen fo dem! Da ones dat tell dey like good tings happen fo you, God goin make good tings happen to dem!”

Isaiah 66:19

“I goin do one awesome ting wea my peopo stay. Den I goin sen some a da peopo dat still yet stay alive to da odda countries: to Spain, an Libya, an Lydia (wea get plenny guys dat know how fo use da bow an arrow), an Tubal, an Greece. Dey even goin go to islans dat stay far away, wea get peopo dea dat neva hear bout me, an neva see how awesome I stay. Dey goin tell da diffren peopos ova dea, how awesome I stay.