Start 50:23 - Hawaii Pidgin Bible

²³ He come ol, but he wen see Efraim kids an grankids. Manasseh too, same ting, wen Manasseh boy Makir get kids, Joseph hanai dem too.

Start 50:23 Referans Kwoze

Census 32:39

Da guys dat come from Makir, Manasseh boy, dey wen go Gilead side, an take ova da land, an kick out da Amor peopo dat stay dea.

Job 42:16

Afta dat, Job stay alive one hundred forty year. He see his kids, an his grankids, an his great-grankids. Az four generation!

Start 30:3

Rachel tell, “Kay den. Da slave wahine Bilhah dat work fo me, go sleep wit her. Den she goin born kids fo hanai dem to me. Az how I goin start anodda ohana dass mines, from her.”

Songs 128:6

I like you see yoa grankids! I like eryting go good Fo da Israel peopo!

Joshua 17:1

Dis da land fo da Manasseh ohana. Manasseh, he da firs boy born fo Joseph. An Makir, he da firs boy born fo Manasseh. Makir da ancesta guy fo da Manasseh peopo live Gilead side. Da Makir guys, dey good fighta guys, so dey get da Gilead an Bashan land.

Census 32:33

Den Moses give da Gad peopo, da Reuben peopo, an half da peopo dat come from Joseph boy Manasseh, dea land. Dass all da land dey take away from Sihon, da Amor king, an from Og, da Bashan king, wit da towns an da land aroun um.

Start 48:19

But Joseph faddah no like lissen. He tell, “Eh my boy, I know, I know. Da older one, he goin come one peopo too, an he goin come importan. Still yet, da younga braddah, him da one goin come mo importan den da odda one. Da peopo dat goin come from him, goin get mo plenny, dey goin come plenny diffren peopos.”

Start 49:12

His eye shine mo den da wine. His teet mo white den da milk.

Start 50:22

From dat time, Joseph an all his faddah guy ohana peopo stay Egypt side. Joseph, he live 110 year.

1 Records 7:14

Da boys dat come from Manasseh: Azriel come from Manasseh by his odda wife dat come from Aram. She born Makir, Gilead faddah.

Smart Guys 17:6

Da grankids, dey jalike one lei Wen dey show respeck fo ol kine peopo, An da younga peopo Stay feel proud cuz a dea faddah-muddah guys.