Start 49:18 - Hawaii Pidgin Bible

¹⁸ Den Jacob pray lidis: “Eh! You Da One In Charge! I stay wait fo you, God, Cuz I know you goin come help me!”

Start 49:18 Referans Kwoze

Songs 119:174

Eh! You Da One In Charge! Fo long time, I wait an wait Fo you get me outa trouble! An you know wat make me Stay good inside? Da Rules dat you teach!

Songs 119:166

Eh! You Da One In Charge! I stay wait fo you get me outa trouble. Da tings you tell me fo do, I do um.

Micah 7:7

“But me, I watch fo Da One In Charge. I wait fo God cuz he goin get me outa all dis trouble. My God goin lissen me.

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.

Songs 130:5

I stay wait, cuz I know Da One In Charge goin do someting. I know wat he tell, an dass why I stay wait fo him help me. An dass why I can hang in dea An trus him.

1 Tessalonika 1:10

Dey tell how you guys stay wait fo God Boy fo come back from da sky. Az Jesus—da One God wen make him come back alive afta he mahke! Da time goin come wen God goin show da peopo dat he tell “Laytas” to da bad kine stuff dey stay do! An he da One dat goin make shua dat notting bad goin happen to us guys.

Luke 2:30

Cuz now I see wat you wen do Fo take us outa da bad kine stuff we stay do.

Luke 2:25

Dat time get one guy Simeon inside Jerusalem. He one guy dat erytime do da right ting an pray. He stay wait fo da One dat goin kokua da Israel peopo. An da Good An Spesho Spirit stay in charge a him.

Luke 1:30

Da angel guy tell, “Mary, no sked. God wen pick you, cuz he like do plenny good stuff fo you.

Matthew 1:21

She goin born one boy, an you goin name um Jesus, cuz he goin get his peopo outa da kine bad stuff dey do.”

Sad Song 3:25

Da One In Charge do good tings fo da peopo dat wait fo him, An dat like find out from him wat fo do.

Songs 85:7

Eh! You Da One In Charge! Let us guys see how you stay tight Wit yoa peopo, An do someting fo get us outa trouble!

Songs 40:1

I wen wait an wait Fo Da One In Charge help me. Wen I wen yell fo help, He wen turn to me fo lissen wat I tell.

Songs 14:7

Fo shua! I like God do someting— Da God dat stay Mount Zion side— Fo get da Israel peopo outa trouble real quick! Cuz bumbye, wen God make eryting come good one mo time fo his peopo, Erybody dat come from Jacob goin yell cuz dey feel good, Dey da Israel ohana, an dey all goin come good inside.

Galatia 5:5

Us guys not like you guys. We trus God. Dass why we wait fo him make us get um right wit him cuz we know dat God Spirit goin help us.

Rome 8:25

But wen we wait fo someting we neva see happen yet, den we goin hang in dea real good an wait fo see dat happen.

Rome 8:19

All da tings God wen make, jalike dey no can wait fo someting good fo happen. Dey no can wait fo see God show erybody how proud he stay bout his kids.

Luke 23:51

He come from Arimatea, Judea side. Wen da odda guys wen like kill Jesus, Joseph neva vote wit dem. He trus God, an stay wait fo God fo come da king.

Mark 15:43

Had one guy, Joseph from Arimatea, from da main leadas. Erybody get respeck fo him. He stay wait fo God come da King on top da earth too. He no sked. He go tell Pilate if can take Jesus body.

Isaiah 36:8

“So now, make one bet wit my boss, da Assyria king. I give you guys 2,000 horse if you get enuff guys fo ride on top um!

Isaiah 33:2

Eh! You Da One In Charge! We like you do good tings fo us guys. We stay wait fo you help us. Ery morning, you da One make us strong, Da One get us outa trouble, Erytime we get hard time.

Isaiah 8:17

Az why I goin wait, cuz I stay shua Da One In Charge goin come. Right now, he stay cova his face so da Jacob ohana peopo no can see him. But me, I goin stay wait fo him.

Songs 123:2

All us guys make ready fo do Wateva oua God, Dass Da One In Charge a us, Like us fo do, An us stay waiting fo him do Good tings fo us. We stay ready, jalike da slave guys Wait fo see wat dea boss like um fo do, An jalike da slave wahines stay ready Fo find out wat da wahine dey work fo Like dem fo do.

Songs 119:41

Eh! You Da One In Charge! Stay tight wit me, cuz I yoa guy! Get me outa trouble, Jalike you wen tell me you goin do!

Songs 62:5

Inside, I stay quiet, wait ony fo God. God da ony one I stay wait fo, Cuz I know he goin do someting.

Songs 62:1

Inside, I stay quiet an wait ony fo God. God da ony one Goin get me outa trouble.

Isaiah 30:18

Dass how come Da One In Charge stay wait, Cuz he stay ready fo do good tings fo you guys. He goin stan up Fo show you guys pity an love. Cuz Da One In Charge, he da kine god Dat judge da right way erytime. An all da peopo dat stay wait fo him, Dey can stay good inside.

Start 49:17

Dan goin be jalike one snake dat stay nea da road, Jalike one snake wit poison dat stay nex to da trail Fo bite da horses feets Fo make da guy on top da horse fall down.”

Outa Egypt 15:2

Da One In Charge, he da One dat make me strong an solid, He wen come da One dat get me outa trouble. He da God fo me, an I like tell, he da greates! He stay da God fo my faddah guy too, an I goin tell, he da bestes!

Smart Guys 14:32

Da bad kine peopo, Dey goin get wipe out, Wen dey do bad kine stuff. Da peopo dat do da right ting erytime, Even wen dey goin mahke No mo notting goin hurt dem.

Hosea 12:7

Da biznis guys use scales dat bulai. Dey like scam peopo real bad an hurt um.