Start 47:4 - Hawaii Pidgin Bible

⁴ Us guys come dis side fo live, cuz ova dea Canaan side, da grass dry up, an no mo food fo da animals eat. Us yoa slave guys now, so try let us guys stay Goshen side.”

Start 47:4 Referans Kwoze

Start 46:34

Den you guys goin tell um dis: ‘You da boss an us guys yoa slaves. From small kid time till now, us guys breed cows, same ting jalike oua ancesta guys.’ I stay tell you guys wat fo tell, fo him let you guys stay Goshen side. Da Egypt peopo, dey tink all da sheep guys pilau, az why.”

Rules Secon Time 26:5

Den you goin tell da pries guy in front Da One In Charge, “My ancesta guy come from da Aram land an move house all ova da place. He go Egypt side wit ony litto bit peopo, an stay ova dea. Bumbye dey come one importan nation, wit plenny peopo, an dey come strong.

Start 15:13

Den Da One In Charge tell Abram, “I like fo you know dis fo shua: Da peopo dat goin come from you, dey goin live inside anodda land dat not dea land. Da peopo ova dea goin make dem come dea slaves. Fo four hundred year, dey goin make any kine to dem.

Start 43:1

But dat time, was hard, cuz neva have notting fo eat Canaan side.

Jesus Guys 7:11

Den one real hard time come all ova Egypt an Canaan, an erybody suffa plenny. Az why oua ancesta guys no can find food fo eat.

Songs 105:23

Afta dat, Joseph faddah Israel Go Egypt side. He live ova dea wit da Egypt peopos Dat come from Ham, No matta he not from dea.

Jesus Guys 7:6

God tell him, ‘Yoa ohana goin stay one place far away, dat not hea. Da peopo ova dea goin make dem slaves, an dey goin suffa four hundred year.

Isaiah 52:4

Dis, anodda spesho message from Da One In Charge, da Boss: “Egypt was da place my peopo wen go fo live, da firs time. Den, was da Assyria peopo wen give my peopo hard time, Neva mind dey no mo da right fo do dat.”

Start 12:10

Dat time, da peopo inside da Canaan land no mo notting fo eat. Az why Abram move house Egypt side short time, cuz hard time fo dem.

Start 47:5

Pharaoh tell Joseph, “Az good, yoa faddah an yoa braddah guys wen come by you awready.

Start 45:10

You goin make house Goshen side, so you goin stay nea me—you, yoa kids, yoa grankids, yoa sheeps, yoa cows, an eryting you get.