Start 47:15 - Hawaii Pidgin Bible

¹⁵ Laytas, no mo silva awready inside da Egypt land an da Canaan land. All da Egypt peopo go by Joseph an tell um, “Eh! Try give us mo food! No good fo us guys mahke right hea in front you, jus cuz us no mo silva.”

Start 47:15 Referans Kwoze

Matthew 6:11

Try give us da food we need fo ery day.

Songs 37:3

Trus Da One In Charge an do good tings. Live on top yoa land An take kea da land.

1 Samuel 25:8

Aks yoa worka guys an dey goin tell you how was dat time. So now, da cut wool time stay pau, an us guys come fo da party. I like you tink good fo kokua my worka guys an me, David, cuz I jalike yoa boy, aah?!’ ”

1 Samuel 21:3

Now, wat kine food you get ova hea? You get roun breads? Try give me five breads, o wateva you get.”

Local Leadas 8:8

From ova dea Gideon go Peniel town an aks dem fo bread too, but dey tell da same ting jalike da Sukkot guys.

Local Leadas 8:5

Gideon tell da Sukkot guys, “Try give my army guys some bread. Dey all had it. An still yet we stay chase Zebah an Zalmunna, da Midian king guys.”

Start 47:24

Den, erytime you guys harves da food, you gotta pay twenny percent fo Pharaoh. Da odda eighty percent, dass fo you guys. Use um fo seed fo da fields, fo food fo you guys, yoa ohana peopo, an yoa kids!”

Isaiah 33:16

Dey da peopo goin live up high in da mountains Wea nobody can hurt dem, Cuz get strong wall an high cliff ova dea, An dey get plenny food an watta.”

Start 47:16

Joseph tell um, “Kay den. If you no mo silva, bring yoa animals ova hea, an you guys goin pay me wit da animals an I goin sell you guys food.”

Start 41:36

Cuz a dat, you guys goin get plenny food fo eat, wen da seven year come wen erybody goin come hungry all ova Egypt land. No good da whole land come wipe out cuz no mo food!”