Start 45:8 - Hawaii Pidgin Bible

⁸ Az why no was you guys dat wen sen me ova hea. Was God! He make me jalike I one faddah guy fo da king, dass da Pharaoh guy. I da boss fo all his ohana peopo, an I stay in charge a da whole Egypt land.

Start 45:8 Referans Kwoze

John 15:16

You guys neva pick me. I wen pick you guys, an give you dis job: go do plenny good stuff dat goin las long time, jalike one grape vine dat give plenny good fruit long time. Den, watevas you go aks my Faddah fo do cuz you my guys, he goin do um fo you.

Rome 9:16

Az why, no matta wat one guy do, o wat he like fo happen, ony one ting matta—God da One give um chance.

John 19:11

Jesus tell, “Ony one way you get da right fo hurt me. Ony if God Up Dea Inside Da Sky give you da powa fo do all dis, den you can do dis. Dass why da guy dat wen turn me ova to you, he do mo worse ting den you.”

Job 29:16

I was jalike one faddah fo da peopo dat no mo notting. I wen find out wat was da trut, Even fo peopo I donno dat gotta go in front da judge.

Local Leadas 17:10

Micah tell um, “Go live wit me. Come jalike one faddah fo me, an be my pries guy. I goin give you four ounce silva ery year, yoa clotheses, an yoa food.”

Start 45:5

But now, cool down! No come all huhu bout how you guys make befo time, cuz you wen sell me an make me come hea. You guys neva do um. Was God wen do um! God wen sen me ova hea befo you guys come hea, fo keep you guys alive!

Filemon 1:15

I figga dass why God wen let him go way from you fo litto bit fo you get him back foeva.

Isaiah 22:21

I goin put yoa robe an yoa alii sash on top him, An give him da powa Fo do da job you get right now. He goin come jalike da faddah guy Fo da peopo inside Jerusalem, An da Judah ohana peopo.

Start 45:26

Dey tell Jacob, “You know wat? Joseph, he still stay alive! He da one in charge fo da whole Egypt land!” Wat dey tell bodda Jacob plenny, cuz he no can believe wat his boys tell um.