Start 42:13 - Hawaii Pidgin Bible

¹³ Dey tell Joseph, “Us twelve braddahs, yoa slave guys, dat come from da same faddah, Canaan side. Ony now, oua younga braddah, he stay ova dea wit oua faddah. An da odda braddah, he mahke awready.”

Start 42:13 Referans Kwoze

Start 37:30

He go back by da odda braddah guys, an tell um, “Da boy! He no stay! An wat I goin do now?!”

Start 44:20

Us guys tell you, ‘Yeah, we get faddah, he alive, an he ol. An us get one mo younga braddah guy, dat born wen oua faddah guy ol awready. His real braddah mahke awready, so him da ony one dat stay from his muddah. Dass how come his faddah get plenny love an aloha fo him.’

Start 42:32

Us guys had twelve braddah guys dat all get da same faddah. But get one braddah dat mahke awready, an da younga braddah guy, he stay wit oua faddah right now, Canaan side.’

Start 43:7

Dey tell um, “Da guy, he wen aks plenny question bout us guys an bout oua ohana. He tell, ‘Yoa faddah, he still alive, o wat? You guys get odda braddah guys?’ Us guys tell um wateva he wen aks. Eh! you tink us guys wen know dat bumbye da guy tell us, ‘You gotta bring yoa odda braddah ova hea.’?!”

Matthew 2:18

“Dey hear one voice from inside Ramah, Rachel, she stay cry real hard, She real sore inside, An cry fo her kids, She no like nobody come by her, Cuz da kids mahke awready.”

Matthew 2:16

King Herod, he find out dat da guys dat know plenny bout da stars trick him, an he come real wild. He sen his army guys an tell um, “Go inside Betlehem an all da odda place ova dea, an kill all da small boys.” Dey kill all da boys two year ol an mo younga. Herod figga dat time, cuz da guys dat know plenny bout da stars wen tell him wat time da star show up firs time.

Sad Song 5:7

Oua ancesta guys wen do bad kine stuff, an dey no moa. An you punish us guys cuz a dat.

Jeremiah 31:15

Dis wat Da One In Charge tell too: “I hear one voice from inside Ramah town. Somebody dea stay sad inside an cry. Jalike Rachel stay cry real hard fo da peopo dat come from her. She no let nobody tell her nice kine stuff bout her ohana. Cuz dey no stay no moa.”

Start 45:26

Dey tell Jacob, “You know wat? Joseph, he still stay alive! He da one in charge fo da whole Egypt land!” Wat dey tell bodda Jacob plenny, cuz he no can believe wat his boys tell um.

Start 44:28

One a dem no stay no mo wit me, an I tell, “Gotta be, da wild animals wen rip um up.” Long time now I neva see um.

Start 42:38

But Jacob tell um, “No way. My boy no goin go wit you guys. His braddah, mahke awready. He da ony one dat stay from Rachel. If someting bad happen to him ova dea, fo shua you guys goin make me come real plenny sore inside, an you goin make my gray hair go down da Mahke Peopo Place!”

Start 42:36

Dea faddah Jacob tell um, “You guys! You take my boys away from me! Joseph, he mahke awready. Simeon, gone awready. An now, you like take away Benjamin too! Eryting bad happen to me!”

Start 42:11

All us guys get da same faddah. Us not bulaia guys, us not spies! We jalike yoa slave guys!”

Start 42:12

Joseph tell um, “Not even! You guys ony come hea fo check out wat part a oua land we no can guard!”

Start 42:14

Joseph tell um, “Same ting, jalike I stay tell you guys awready, you guys spies!

Start 43:29

Den Joseph look aroun, an he see his braddah Benjamin, da one dat get da same muddah jalike him. Joseph tell da odda braddah guys, “Dis guy hea, dis yoa younga braddah? Da one you guys wen tell me bout?” He tell Benjamin, “My boy, I like God do plenny good tings fo you!”