Start 39:20 - Hawaii Pidgin Bible

²⁰ He take Joseph an throw um inside da prison wea da guys stay dat da king tell gotta go prison. An dass da place Joseph stay.

Start 39:20 Referans Kwoze

Start 40:15

I come from da land wea da Hebrew peopo stay live. But some guys wen kidnap me an bring me ova hea, an no mo nobody ova dea know bout me. But ova hea Egypt side, I neva do notting bad fo make um throw me inside dis prison ova hea!”

1 Peter 2:19

Good fo da guy dat suffa wen he get punish fo someting he neva do an he no let dat bodda him cuz he tink how God tink.

2 Timoty 2:9

Wen I tell peopo dis, dey make me suffa. Sometimes dey even tie me up wit chains jalike I one crook. But you know wat? No can tie up da stuff God tell wit one chain!

Isaiah 53:8

Cuz da peopo put in jail Da guy dat work fo Da One In Charge. Dey judge him, Den take um away fo kill um. An da peopo dat stay alive dat time, Dey no even tink bout How dey cut him off Fo him no stay alive inside dea land. Cuz my peopo wen go agains God, Dey wack dat guy.

Songs 76:10

Wen peopo come real huhu, Dat show proof dat you da bestes. An if dey stay had it wit you still yet, Dat make you look good.

Hebrews 11:36

An had odda peopo too. Peopo laugh at um an whip um hard. An mo worse, dey tie up odda guys wit chains an throw um inside one prison.

Jeremiah 37:15

Dey mad wit Jeremiah, an tell dea guys fo bus him up. Den dey put um inside da prison inside da secretary Jonathan house, cuz dey wen make dat house come one prison.