Start 33:9 - Hawaii Pidgin Bible

⁹ Esau tell um, “But my braddah, I get plenny stuffs awready. Mo betta you keep all yoa stuffs. Dass fo you.”

Start 33:9 Referans Kwoze

Start 27:39

Den Esau faddah Isaac tell um dis: “Da place wea you goin live, No goin be wea get plenny good stuffs from da land, An small rain from da sky.

Filemon 1:7

Braddah, you get love an aloha fo da peopo dat stay spesho fo God. Az why I feel good inside. Weneva I no feel good inside, I tink bout you, an dat make me feel good one mo time. Cuz da peopo dat stay tight wit God, you make dem come good inside one mo time.

Filemon 1:16

Now, he not jus one slave, but mo betta den one slave! He one braddah! All us guys get love an aloha fo him, but I get even mo, an you too, even mo plenny! You know him jalike befo time, an now you an him know each odda jalike you braddahs, cuz you an him stay tight wit Da One In Charge, az Jesus.

Jesus Guys 21:20

Afta dey hear dat, dey tell, “God, he awesome!” Den dey tell Paul, “Look, braddah, plenny tousan Jew guys trus da Good Stuff Bout Jesus. An dey all stay tight wit all da stuff da Rules tell um fo do.

Jesus Guys 9:17

Den Ananias go da house wea Saul stay an go inside. He put his hands on top Saul, an tell, “Braddah Saul, Jesus Da One In Charge, da One dat show up by you wen you stay on da road fo come ova hea. He sen me by you fo you see one mo time, an fo his Good An Spesho Spirit take charge a you.”

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Smart Guys 16:7

Wen Da One In Charge like da way you live, Even wen peopo stay agains you, Da One In Charge goin make dem tink diffren bout you So eryting goin come good wit you an dem.

Local Leadas 20:23

Da Israel guys go up an cry in front Da One In Charge till almos dark. Dey aks Da One In Charge fo tell um, “We goin go agains oua braddahs one mo time, da Benjamin guys?” Da One In Charge tell dem, “Go agains dem.”

Start 27:41

From dat time, Esau stay huhu wit Jacob, cuz dea faddah wen tell Jacob an not him all da good tings dat he like Da One In Charge do fo his boy Jacob bumbye. Esau tink, “Bumbye my faddah guy mahke, an afta da funeral time, den I goin kill my braddah Jacob!”

Start 4:9

Afta dat, Da One In Charge aks Cain, “Wea yoa braddah Abel? Wea he stay?” Cain tell um, “I donno. You tink I da guy suppose to take kea my braddah an watch wea he go, o wat?”

Smart Guys 30:15

Da leech, da kine dat suck yoa blood, get two girls, Dea names, “Suck!” an “Suck!” An get three odda tings Dat keep sucking an not enuff yet fo dem:

Start 27:40

But you goin need one sword fo fight fo you stay alive, An you goin work fo yoa braddah. Afta, you goin like get outa dea An you goin run way from yoa braddah Fo him no tell you wat you gotta do no moa.”

Start 33:10

Jacob tell Esau, “But try take dis present dat I stay give you cuz I like you stay good to me. Cuz erytime I look you, jalike I look God face, cuz you take me in wit aloha.