Start 33:13 - Hawaii Pidgin Bible

¹³ Jacob tell um, “Eh, you da boss. But some a da kids still small an not strong, an da sheeps, da goats, an da cows, dey stay give milk to dea bebes, an I gotta take kea dem. If my guys make um go too fas, even one day, bumbye all da animals goin mahke.

Start 33:13 Referans Kwoze

Isaiah 40:11

He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.

Smart Guys 12:10

Da good kine peopo, Dey make shua dey take kea dea animals. Da bad kine peopo, Even wen dey try fo show pity, Still yet dey make da animals suffa.

1 Records 22:5

David tink, “My boy Solomon still young, an he donno plenny stuff yet. But da Temple us goin build fo Da One In Charge gotta be da bestes—one awesome place fo go in front God fo all da peopo all ova da world know bout um. An gotta look awesome! Az why I like make ready fo build um.” So den David make ready plenny kine stuffs befo he mahke.

Start 33:12

Den Esau tell Jacob, “Kay den, get ready an we go togedda. I go firs cuz you guys no can go fas.”

Start 33:14

You da boss an I da slave guy, so go firs, an I come afta, easy kine, how da animals an da kids walk. Dass how I goin go by you, my boss, Seir side.”

1 Samuel 6:10

So, da Filisha guys make lidat. Dey take two cows lidat, an tie um to da cart, an tie up dea bebes by da house.

Songs 78:71

God wen bring David back From wea he help da muddah sheeps Wit dea bebes, Cuz God like fo David Take kea God peopo, da Israel peopo.