Start 32:11 - Hawaii Pidgin Bible

¹¹ “Now I stay aks fo yoa kokua fo get me outa trouble from my braddah Esau. Cuz I stay sked a him, you know. No good he come hea an bus me up, me an da wahines an dea kids, erybody.

Start 32:11 Referans Kwoze

Smart Guys 18:19

If you do someting Dat make one braddah guy come huhu wit you, Goin be mo hard fo come braddah braddah one mo time wit him, Den fo take ova one town dat get one strong wall. Az cuz wen you make argue wit him, Az jalike you stay put one heavy bar fo lock yoa gate.

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

Hosea 10:14

Yoa peopo goin hear da loud noise from da war, An yoa towns wit strong wall goin come wipe out. Jalike wen Shalman wen wipe out Bet-Arbel, da time dey wen fight, Wen dey throw da muddahs an dea kids down on top da groun fo kill um.

Daniel 3:17

If yoa guys throw us guys inside da real hot fire, da God we work fo can get us outa dea, an he goin get us guys outa yoa powa, King Nebukadnezzar.

Songs 142:6

Try lissen wen I yell fo you help me, Cuz I stay all jam up! Get me outa trouble from da peopo Dat chase afta me, Cuz dey mo strong den me.

Songs 119:134

Proteck me from da peopo Dat presha me, Fo me do all da tings You tell me I gotta do.

Songs 43:1

Eh God! You da judge Fo show erybody dat I okay. I need fo you show proof Dat I neva do notting bad. Cuz da whole nation, Dey no stay tight wit you! I need fo you rescue me Away one place Wea dey no can hurt me. Away from da ones dat stay bulai An do bad tings to me.

Songs 31:2

Come close an lissen me. Get me outa trouble! Fas kine! Be jalike one big rock fo proteck me. Be jalike one strong wall fo me Inside da mountains Dat no let nobody come agains me Fo kill me.

Songs 25:20

Make shua notting bad happen to me! An get me outa trouble! No let dose guys make me come shame, Cuz I stay telling you fo hide me.

Songs 16:1

Eh God, no let notting bad happen to me! I trus you fo proteck me.

1 Samuel 24:15

I like Da One In Charge be da judge fo tell if you stay right, o I stay right! He can tell who get da blame. I like him tink bout wat I stay do. I like him tell erybody dat I not da one fo get da blame, an you, Saul, an you no mo da powa ova me.”

1 Samuel 12:10

Yoa ancesta guys wen yell to Da One In Charge, an tell, ‘We wen do bad kine stuff! We wen bag from you, Da One In Charge, an work fo da Baal gods an da Ashtoret gods! But now, Da One In Charge, get us outa trouble from da guys dat hate us! Den we goin work ony fo you!’

Start 27:41

From dat time, Esau stay huhu wit Jacob, cuz dea faddah wen tell Jacob an not him all da good tings dat he like Da One In Charge do fo his boy Jacob bumbye. Esau tink, “Bumbye my faddah guy mahke, an afta da funeral time, den I goin kill my braddah Jacob!”

Rules Secon Time 22:6

If you find one bird nes by da side a da road, inside one tree o on top da groun, wit bebe birds o eggs inside, an da muddah stay sit on top da bebes o da eggs, no take da muddah wit da bebes.

Start 27:42

Somebody wen hear wat Esau was goin do, an tell Rebecca. She sen somebody fo tell her younga boy Jacob fo come. She tell um, “Dis how yoa braddah Esau tink he goin take away da sore he goin get inside wen his faddah mahke—he figga, ‘Bumbye I kill Jacob!’

Start 32:3

Den Jacob sen messenja guys fo go by his braddah Esau, Edom side, Seir land, befo Jacob get dea.

Start 32:7

Jacob come plenny sked. Bodda him plenny. Az how come he tell half da peopo dat wit him fo camp out one side, an he tell da odda half fo camp out da odda side, an same ting wit da sheeps an goats, da cows an da camels.

Start 33:4

Esau run to Jacob fo tell um aloha. Esau give his braddah Jacob one big hug, an kiss um, an dey cry togedda.

Start 24:27

He tell, “I like tell dis: Da One In Charge, he da God fo my boss guy Abraham. He make eryting come out good fo Abraham, fo shua! God no broke his promise fo stay tight wit my boss an do wat he tell he goin do. An same ting fo me too, Da One In Charge show me wea fo go, strait to da peopo from my boss guy ohana, jalike I suppose to do!”

2 Samuel 7:18

Den King David go inside da tent an sit down in front Da One In Charge. He tell: “Eh! you da Boss, Da One In Charge! But I donno how come you wen do all dis fo me awready! Cuz I notting, an my ohana, us notting!